கொரியக் குடியரசின் முன்னாள் பிரதி வெளிவிவகார அமைச்சரும், இலங்கையின் முன்னாள் தூதுவருமான மாண்புமிகு ஜொங்-மூன் சோய் (Jong-Moon Choi) , நேற்றைய தினம்&nbsp;எதிர்க்கட்சித் தலைவர் அலுவலகத்தில் எதிர்க்கட்சித் தலைவர்&nbsp;சஜித் பிரேமதாசவை&nbsp;சந்தித்தார். தூதுவர் சோயின் இந்த விஜயத்தின் நோக்கம், விரைவில் நடைபெறவுள்ள ஆசிய அரசியல் கட்சிகளின் சர்வதேச மாநாட்டில் (ICAPP) கலந்துகொள்ளுமாறு&nbsp;சஜித் பிரேமதாசவுக்கு உத்தியோகபூர்வ அழைப்பு விடுப்பதாகும். ஆசியா முழுவதும் அரசியல் கலந்துரையாடல்கள், பாராளுமன்ற ஈடுபாடுகள் மற்றும் பிராந்திய ஒத்துழைப்பை மேம்படுத்துவதில் இந்த சர்வதேச மாநாட்டின் பங்களிப்பை தூதுவர் சோய் இங்கு வலியுறுத்தினார். இந்தக் கலந்துரையாடலின் போது, இரு தலைவர்களும் பொருளாதார ஒத்துழைப்பு, வர்த்தகம் மற்றும் முதலீடு, காலநிலை மாற்றம், சுற்றுச்சூழல் பாதுகாப்பு, அனர்த்த முகாமைத்துவம், உணவு மற்றும் வலுசக்தி பாதுகாப்பு, தொழில்நுட்ப கண்டுபிடிப்புகள் மற்றும் நிலையான அபிவிருத்தி உள்ளிட்ட பிராந்திய மற்றும் உலகளாவிய பிரச்சினைகள் குறித்து கருத்துக்களைப் பரிமாறிக்கொண்டனர். பொதுவான சவால்களை வெல்வதற்காக ஜனநாயக நிறுவனங்களை வலுப்படுத்துதல், பிராந்திய ஸ்திரத்தன்மை மற்றும் பலதரப்பு ஒத்துழைப்பு ஆகியவற்றின் முக்கியத்துவத்தையும் அவர்கள் சுட்டிக்காட்டினர். காலநிலை/வானிலை சார்ந்த அபாயங்களை எதிர்கொள்ளுதல், பல்லுயிர் பெருக்கத்தைப் பாதுகாத்தல், அனர்த்த தயார்நிலையை வலுப்படுத்துதல் மற்றும் நிலையான அதேநேரம் அனைவரையும் உள்ளடக்கிய பொருளாதார அபிவிருத்தியை மேம்படுத்துதல் ஆகியவற்றிற்கான பிராந்திய ஒத்துழைப்பை அதிகரிப்பது குறித்து இங்கு விசேட கவனம் செலுத்தப்பட்டது. பிராந்தியம் முழுவதும் பொதுக் கொள்கை, கண்டுபிடிப்புகள், தொழில்முனைவோர் மற்றும் தலைமைத்துவத்தில் இளைஞர்கள் அதிக பங்களிப்பை வழங்குவதற்கான வாய்ப்புகளை உருவாக்குவதன் முக்கியத்துவத்தை இரு தலைவர்களும் மேலும் வலியுறுத்தினர். தூதுவர் சோய்&nbsp;, மறைந்த ஜனாதிபதி ரணசிங்க பிரேமதாசவையும் இங்கு நினைவு கூர்ந்ததுடன், இலங்கைக்கும் கொரியக் குடியரசுக்கும் இடையிலான நீண்டகால நட்புறவை வலுப்படுத்துவதற்கு அவர் ஆற்றிய பங்களிப்பிற்கு பாராட்டு தெரிவித்தார். மக்கள் மையப்படுத்திய வளர்ச்சி, சர்வதேச ஒத்துழைப்பு மற்றும் வளர்ச்சி பங்காளிகளுடன் திறம்பட பணியாற்றுவதில் ஜனாதிபதி பிரேமதாச&nbsp;கொண்டிருந்த அர்ப்பணிப்பு, கொரியாவில் இன்றும் மரியாதையுடனும் மதிப்புடனும் நினைவுகூரப்படுவதாக அவர் குறிப்பிட்டார். &nbsp;சஜித் பிரேமதாச&nbsp;இந்த அழைப்பிற்காக தூதுவர் சோய்க்கு&nbsp;தனது நன்றியைத் தெரிவித்ததுடன், ஜனநாயக ஆட்சி, சமூக நீதி, சுற்றுச்சூழல் பாதுகாப்பு மற்றும் நிலையான பொருளாதார அபிவிருத்தி ஆகியவற்றுக்கான தனது அர்ப்பணிப்பை மீண்டும் உறுதிப்படுத்தினார்.&nbsp; அமைதி, செழிப்பு, பின்னடைவுத் திறன் மற்றும் மக்கள் மையப்படுத்திய வளர்ச்சியை மேம்படுத்துவதற்காக ஆசிய நாடுகளுக்கு இடையிலான பங்களிப்பை வலுப்படுத்துவதன் முக்கியத்துவத்தை அவர் சுட்டிக்காட்டினார். ஆசியாவிற்கு மிகவும் நிலையான, பாதுகாப்பான மற்றும் செழிப்பான எதிர்காலத்தை உருவாக்குவதற்காக கலந்துரையாடல், ஒத்துழைப்பு மற்றும் பரஸ்பர புரிதலை வளர்ப்பதற்கான பொதுவான அர்ப்பணிப்புடன் இந்தச் சந்திப்பு வெற்றிகரமாக நிறைவடைந்தது.

கொரிய முன்னாள் அமைச்சர், எதிர்க்கட்சித் தலைவருடன் சந்திப்பு

கொரிய முன்னாள் அமைச்சர், எதிர்க்கட்சித் தலைவருடன் சந்திப்பு

You may also like