ஹட்டன் - டிக்கோயா நகரில் முதிய தம்பதியினர் கூர்மையான ஆயுதங்களால் தாக்கி கொலை செய்யப்பட்ட சம்பவத்துடன் தொடர்புடைய சந்தேக நபர்களை பொலிஸார் தேடி வருகின்றனர்.&nbsp; இன்று மாலை இடம்பெற்ற இச்சம்பவம் தொடர்பாக மேலும் தெரியவருவதாவது, ஹட்டன் டிக்கோயா நகரில் உள்ள வியாபார நிலையமொன்றில், தனியாக வசித்து வந்த வயோதிப தம்பதியினரின் மரணம் குறித்து ஹட்டன் பொலிஸ் நிலையத்திற்கு தகவல் வழங்கப்பட்டுள்ளது.&nbsp; இதன் பின்னர் சம்பவ இடத்திற்கு விரைந்த ஹட்டன் பொலிஸார், மேற்கொண்ட விசாரணைகளில் 82 வயது மதிக்கத்தக்க இருவர் வெட்டுக் காயங்களுடன் கிடந்துள்ளதாகவும் தெரியவருகிறது.&nbsp; குறித்த தம்பதியினரின் பிள்ளைகள் கொழும்பில் வசித்து வருவதாகவும், அவர்களது பிள்ளைகள் தொடர்ச்சியாக தொலைபேசி அழைப்புகள் எடுத்த நிலையில் நீண்ட நேரம் குறித்த இருவரும் பதிலளிக்காத காரணத்தினால் ,&nbsp;அயலவர்களை தமது வீட்டில் சென்று பார்க்கும்படி கோரியுள்ளனர். இதன் பின்னரே குறித்த தம்பதியினர் காயங்களுடன் கிடப்பது கண்டறியப்பட்டுள்ளதாகத் தெரியவருகிறது.&nbsp;இச்சம்பவம் தொடர்பிலான விசாரணைகளை ஹட்டன் பொலிஸார் மேற்கொண்டு வருகின்றனர். — நோர்ட்டன் ராம்-

ஹட்டனில் வயோதிப தம்பதியின் சடலங்கள் மீட்பு - பொலிஸ் விசாரணை ஆரம்பம்

ஹட்டனில் வயோதிப தம்பதியின் சடலங்கள் மீட்பு - பொலிஸ் விசாரணை ஆரம்பம்

You may also like