மத்திய கிழக்கில் நிலவும் போர் சூழ்நிலையால் இலங்கைக்கு ஏற்பட்டுள்ள பாதிப்புகள் தொடர்பான ஒத்திவைப்பு விவாதம் நாளை (03) காலை 11.30 மணி முதல் மாலை 5.30 மணி வரை நாடாளுமன்றத்தில் நடைபெறவுள்ளது. இந்தப் பிரேரணையை ஆளும் கட்சியே முன்வைக்கவுள்ளது. சபாநாயகருக்கு எதிரான நம்பிக்கையில்லாப் பிரேரணை தொடர்பான விவாதம் இன்று நடைபெறுவதற்கு ஆரம்பத்தில் தீர்மானிக்கப்பட்டிருந்தது. எனினும், குறித்த பிரேரணையைத் திருத்துவதற்கு எதிர்க்கட்சி இணக்கம் தெரிவிக்காததால், அந்த விவாதம் காலவரையறையின்றி ஒத்திவைக்கப்பட்டுள்ளது. இதற்குப் பதிலாக, மத்திய கிழக்கு போர் நிலவரத்தால் இலங்கைக்கு ஏற்பட்டுள்ள பாதிப்புகள் தொடர்பான ஒத்திவைப்பு விவாதத்தை நடத்துவதற்குத் தீர்மானிக்கப்பட்டுள்ளது. நாடாளுமன்றம் நாளை 03ஆம் திகதி முதல் 06ஆம் திகதி வரை கூடவுள்ளதாக நாடாளுமன்றத்தின் செயலாளர் நாயகம் சட்டத்தரணி குஷானி ரோஹணதீர தெரிவித்தார். பிரதி சபாநாயகர் வைத்தியர் ரிஸ்வி சாலி தலைமையில் நடைபெற்ற நாடாளுமன்ற அலுவல்கள் பற்றிய குழுக் கூட்டத்திலேயே இந்தத் தீர்மானம் எடுக்கப்பட்டுள்ளது.

மத்திய கிழக்கு போர் நிலவரம் தொடர்பான ஒத்திவைப்பு விவாதம் நாளை!

மத்திய கிழக்கு போர் நிலவரம் தொடர்பான ஒத்திவைப்பு விவாதம் நாளை!

You may also like