ரஷ்ய ஜனாதிபதி விளாதிமீர் புட்டின், ஜப்பான் உரிமை கோரும் குரில் தீவுகளின் தெற்குப் பகுதியில் அமைந்துள்ள இத்துருப் தீவுக்கு அரசு முறைப் பயணம் மேற்கொண்டுள்ளமைக்கு ஜப்பான் கடும் கண்டனம் தெரிவித்துள்ளது. இரண்டாம் உலகப் போரின் இறுதியில் ஜப்பானிடம் இருந்து சோவியத் ஒன்றியத்தால் கைப்பற்றப்பட்ட குரில் தீவுகளின் சில பகுதிகளை ஜப்பான் தொடர்ந்து உரிமை கோரி வருகிறது. எனினும், அந்தத் தீவுகள் தற்போது ரஷ்யாவின் கட்டுப்பாட்டில் உள்ளன. இந்நிலையில், புட்டின் இன்று (13) இத்துருப் தீவுக்கு முதல்முறையாக அரசு முறைப் பயணம் மேற்கொண்டுள்ளார். அங்கு மீன்வளத் தொழிற்சாலை, வைத்தியசாலை மற்றும் பாடசாலை உள்ளிட்ட இடங்களை அவர் பார்வையிட்டுள்ளார். புட்டினின் இந்தப் பயணத்துக்கு ஜப்பான் கடும் எதிர்ப்பு தெரிவித்துள்ளது. இத்துருப் உள்ளிட்ட வடக்குப் பிரதேசங்கள் வரலாற்று ரீதியாகவும் சர்வதேச சட்டங்களின் அடிப்படையிலும் ஜப்பானுக்குச் சொந்தமானவை என ஜப்பான் வெளியுறவு அமைச்சர் தோஷிமிட்சு மோட்டேகி தெரிவித்துள்ளார். கடந்த 2021ஆம் ஆண்டு ரஷ்ய பிரதமர் மிகைல் மிஷுஸ்டின் இத்துருப் தீவுக்கு பயணம் மேற்கொண்டபோதும் ஜப்பான் எதிர்ப்பு தெரிவித்திருந்தமை குறிப்பிடத்தக்கது.

குரில் தீவுக்கு புட்டின் பயணம் – ஜப்பான் கடும் கண்டனம்

குரில் தீவுக்கு புட்டின் பயணம் – ஜப்பான் கடும் கண்டனம்

You may also like