முக்கோண ஒருநாள் கிரிக்கெட் தொடரின் இறுதிப் போட்டி, போட்டியை நடத்தும் பாகிஸ்தான் மற்றும் இலங்கை அணிகளுக்கு இடையே இன்று (31) நடைபெறுகிறது.&nbsp;இன்று பிற்பகல் 1.30 மணிக்கு லாகூரில் ஆரம்பமாகவுள்ள இந்த போட்டியில் நாணய சுழற்சியில் வெற்றிப்பெற்ற பாகிஸ்தான் அணி முதலில் களத்தடுப்பில் ஈடுபடத் தீர்மானித்துள்ளது.&nbsp;இதன்படி இலங்கை அணி முதலில் துடுப்பெடுத்தாடவுள்ளது.&nbsp;இங்கிலாந்து, பாகிஸ்தான் மற்றும் இலங்கை ஆகிய அணிகளின் பங்கேற்புடன் நடைபெற்ற இந்த முக்கோண ஒருநாள் தொடரின் ஆரம்பச் சுற்றில் 4 போட்டிகளில் விளையாடிய பாகிஸ்தான் அணி, அதில் 3 போட்டிகளில் வெற்றி பெற்று புள்ளிப் பட்டியலில் முதலிடத்தைப் பிடித்து முன்கூட்டியே இறுதிப் போட்டிக்குத் தகுதி பெற்றது.&nbsp;சமீபகாலமாகத் தொடர் தோல்விகளைச் சந்தித்து வந்த இலங்கை அணி, இந்த முக்கோணத் தொடரில் மீண்டும் எழுச்சி பெற்று, வெற்றித் தாகத்தில் இருந்த இலங்கை ரசிகர்களுக்கு மறக்க முடியாத சில வெற்றிகளைப் பரிசளித்தது.&nbsp;இலங்கை அணி ஆரம்பச் சுற்றில் 4 போட்டிகளில் விளையாடி 2 போட்டிகளில் வெற்றி பெற்று, இங்கிலாந்து அணியின் கனவைத் தகர்த்து முன்கூட்டியே இறுதிப் போட்டிக்குத் தகுதி பெற்றது.&nbsp;இன்று இறுதிப் போட்டி நடைபெறும் லாகூர் மைதானம் இலங்கை அணிக்குச் சாதகமான ஒரு மைதானமாகக் கருதப்படுகிறது.&nbsp;இலங்கை அணி இதுவரை இந்த மைதானத்தில் விளையாடிய 16 ஒருநாள் போட்டிகளில் 11 போட்டிகளில் வெற்றியடைந்துள்ளது.&nbsp;இறுதியாக லாகூர் மைதானத்தில் இலங்கை அணி விளையாடிய 7 ஒருநாள் போட்டிகளில் 6 போட்டிகளில் வெற்றி பெற்றிருந்தமையும் சிறப்பு அம்சமாகும்.&nbsp;

நாணய சுழற்சியில் வெற்றி பெற்று பந்துவீச்சைத் தேர்வு செய்தது பாகிஸ்தான்!

நாணய சுழற்சியில் வெற்றி பெற்று பந்துவீச்சைத் தேர்வு செய்தது பாகிஸ்தான்!

You may also like