கடவத்தை - வேபட பகுதியில் மேற்கொள்ளப்பட்ட பொலிஸ் சோதனையின்போது, 2 கிலோகிராம் ஹெரோயின் போதைப்பொருள் மற்றும் பெருமளவிலான சட்டவிரோத ஆயுதங்களுடன் நபர் ஒருவர் கைது செய்யப்பட்டுள்ளார். பேலியகொட மேல் மாகாண வடக்கு பிராந்திய குற்றத்தடுப்புப் பிரிவினருக்குக் கிடைத்த இரகசியத் தகவலின் அடிப்படையில், குறித்த பகுதியில் உள்ள வீடொன்றை முற்றுகையிட்டு சோதனையிட்டபோதே இவர் பிடிபட்டுள்ளார். கைது செய்யப்பட்ட நபரிடமிருந்து ஹெரோயின் 2 கிலோகிராம் T-56 தோட்டாக்களைப் பயன்படுத்தக்கூடிய உள்நாட்டில் தயாரிக்கப்பட்ட 5 'T-கட்டஸ்' ரக துப்பாக்கிகள் மற்றும் 12-போர தோட்டாக்களைப் பயன்படுத்தக்கூடிய 2 துப்பாக்கிகள் ,பலவகைப்பட்ட 600-க்கும் மேற்பட்ட தோட்டாக்கள் 2 கைவிலங்குகள் போன்ற பொருட்கள் கைப்பற்றப்பட்டன. கைது செய்யப்பட்ட சந்தேகநபர் கடவத்தை நீதவான் நீதிமன்றத்தில் ஆஜர்படுத்தப்பட்டதை அடுத்து, அவரைத் தடுத்து வைத்து விசாரணை செய்ய நீதிமன்றம் அனுமதி அளித்துள்ளது. இச்சம்பவம் குறித்து பேலியகொடை குற்றத்தடுப்புப் பிரிவு அதிகாரிகள் தீவிர விசாரணைகளை மேற்கொண்டு வருகின்றனர்.

கடவத்தையில் துப்பாக்கிகள், வெடிபொருட்களுடன் ஹெரோயின் வியாபாரி கைது

கடவத்தையில் துப்பாக்கிகள், வெடிபொருட்களுடன் ஹெரோயின் வியாபாரி கைது

You may also like