ஜிஎஸ்பி வரி சலுகை இலங்கைக்கு வழங்க படுவதை எமது கட்சி ஆதரிக்கிறது. எனினும், இந்த முன்னுரிமை,&nbsp;மலையக தமிழர்களுக்கு, காணி உரிமை&nbsp;உ‌ட்பட கண்ணியமான குடியுரிமை உரிமை ஆகியவற்றை வழங்கும் உறுதிப்பாடுகளுடன் இணைக்கப்பட வேண்டும் என தமிழ் முற்போக்கு கூட்டணி தலைவர் மனோ கணேசன், இலங்கை வந்துள்ள ஐரோப்பிய ஒன்றிய தூது குழுவிடம் வலியுறுத்தி உள்ளார்.&nbsp; ஐரோப்பிய ஒன்றியத்தின் கொழும்பு அலுவலகத்தில்,&nbsp;தூதர் கார்மென் மொரேனோ ஏற்பாட்டில், ஆசிய மற்றும் பசிபிக் பிராந்திய இயக்குநர் பவுலா பம்பலோனி தலைமையிலான ஐரோப்பிய வெளிநாட்டு செயற்பாட்டு சேவை (EEAS) பிரதிநிதி குழுவுடன், தமிழ் முற்போக்கு கூட்டணி தலைவர் மனோ கணேசன் தலைமையில், பேராசிரியர் விஜயசந்திரன், பரத் அருள்சாமி ஆகியோர் சந்தி்த்து உரையாடி உள்ளனர்.&nbsp; இது தொடர்பில், மனோஎம்பி, பின்வரும் விடயங்களை, ஐரோப்பிய ஒன்றியத்திடம் தெளிவாக கூறியதாக தெரிவித்ததாவது: மலையகத் தமிழ் சமூகத்தின் தொடர்ச்சியான கட்டமைப்பு சார்ந்த புறக்கணிப்பை தூது குழுவுக்கு எடுத்துரைத்து,&nbsp;பிரதான ஏற்றுமதி துறை வருமானத்தை பெற்று தந்து தேசிய பொருளாதாரத்தை தாங்கிய போதிலும் நிலமின்மை,&nbsp;வறுமை, பொருளாதார சமத்துவமின்மை மற்றும் தேசிய சராசரியுடன் ஒப்பிடுகையில் நீண்டகால வளர்ச்சி புறக்கணிப்பு ஆகியவை தொடர்வதாக சுட்டிக்காட்டப்பட்டது. இவ்விடயங்களில் மீண்டும் மீண்டும் கலந்துரையாடல் கோரப்பட்டபோதிலும் இலங்கை அரசாங்கம் மௌனம் காத்திருப்பது குறித்து சுட்டிக்காட்டப்பட்டது. இந்த வரலாற்றுக்கு புறம்பாக இ‌ன்று புயல் பேரழிவு காரணமாக இடம்பெயர்ந்த மலையகத் தமிழ் குடும்பங்கள் அரசின் வீடமைப்பு திட்டமான வீடு ஒன்றுக்கு ரூ. 5 மில்லியன் வழங்கும் தேசிய திட்டத்தில் இருந்து விலக்கப்பட்டு, இந்திய உதவியுடன் செயல்படும் ரூ. 2.7 மில்லியன் திட்டத்திற்கு தள்ள படுவது, சுட்டிக்காட்டப்பட்டது.

மலையக காணி உரிமை ஜிஎஸ்பி வரி சலுகை நிபந்தனையாக வேண்டும் - மனோ எம்.பி.

மலையக காணி உரிமை ஜிஎஸ்பி வரி சலுகை நிபந்தனையாக வேண்டும் - மனோ எம்.பி.

You may also like