செம்மணி மனித புதைகுழியின் மூன்றாம் கட்ட அகழ்வுப் பணிகள் இன்று (18) 36ஆவது நாளாக முன்னெடுக்கப்பட்ட நிலையில், மேலும் 6 மனித எலும்புக்கூடுகள் அடையாளம் காணப்பட்டுள்ளன. இதில் ஒரு பெரியவரின் எலும்புக்கூட்டுடன் சிறியவரின் எலும்புக்கூடும் அடங்குவதாக தெரிவிக்கப்பட்டுள்ளது. மேலும், ஏற்கனவே அடையாளம் காணப்பட்ட 5 எலும்புக்கூடுகள் இன்று அகழ்ந்து எடுக்கப்பட்டன. அகழ்வுப் பணிகளின்போது வெள்ளை நிற பாசிமணி, இரும்புத் துண்டு மற்றும் வளையல் உள்ளிட்ட பொருட்களும் சான்றுப் பொருட்களாக மீட்கப்பட்டுள்ளன. மேலும், மூன்று மனித எலும்புத் தொகுதிகளும் அடையாளம் காணப்பட்டுள்ளதுடன், வித்தியாசமான அமைப்பில் காணப்பட்ட ஒரு மண்டையோட்டை சுத்தப்படுத்தும் பணிகளும் முன்னெடுக்கப்பட்டு வருகின்றன. இதுவரை மூன்று கட்டங்களாக 90 நாட்கள் அகழ்வுப் பணிகள் முன்னெடுக்கப்பட்டுள்ள நிலையில், மொத்தம் 437 மனித எலும்புக்கூடுகள் அடையாளம் காணப்பட்டுள்ளதுடன், அவற்றில் 428 எலும்புக்கூடுகள் முழுமையாக அகழ்ந்து எடுக்கப்பட்டுள்ளன.

செம்மணி மனித புதைகுழி - மேலும் 6 மனித எலும்புக்கூடுகள் கண்டுபிடிப்பு

செம்மணி மனித புதைகுழி - மேலும் 6 மனித எலும்புக்கூடுகள் கண்டுபிடிப்பு

You may also like