கெசல்கமுவ ஆற்றில் அடையாளம் தெரியாத ஒரு பெண்ணின்&nbsp;சடலம் மிதப்பதாக பொலிஸார் தெரிவித்துள்ளனர். காசல்ரீ நீர்த்தேக்கத்திற்கு நீர் ஏந்தி செல்லும் நோர்வூட் கெசல்கமுவ ஆற்றில் ஒரு பெண்ணின் சடலம் மிதந்த நிலையில் கண்டுபிடிக்கப்பட்டுள்ளது என நோர்வூட் பொலிஸ் நிலையத்தின் பொறுப்பதிகாரி தெரிவித்துள்ளார். நோர்வூட் - பொககவந்தலாவ, மஸ்கெலியா பிரதான வீதியில்&nbsp;உள்ள நோர்வூட் பாலத்திற்குக் கீழே ஆற்றில் சடலம் மிதப்பதாக பொலிஸாருக்கு பிரதேசவாசிகளினால் தகவல் வழங்கப்பட்டுள்ளது. எனினும் சடலத்தின் அடையாளம் இன்னும் உறுதி செய்யப்படவில்லை என்றும், ஹட்டன் பொலிஸ் பிரிவின் குற்ற பிரிவு விசாரணை அதிகாரிகளின் உதவியுடன் மேலதிக விசாரணைகள் மேற்கொள்ளப்படும் என்றும் நோர்வூட் பொலிஸ் நிலையத்தின் பொறுப்பதிகாரி தெரிவித்துள்ளார். செ.திவாகரன்

கெசல்கமுவ ஆற்றில் அடையாளம் தெரியாத பெண்ணின் சடலம் மீட்பு

கெசல்கமுவ ஆற்றில் அடையாளம் தெரியாத பெண்ணின் சடலம் மீட்பு

You may also like