பாதாள உலகக் குழுவைச் சேர்ந்த 'லொகு பெட்டி' என்பவரின் சகோதரரான 'பொடி பெட்டி' என்பவரை துப்பாக்கியால் சுட்டுக்கொலை செய்ய முயற்சித்த சந்தேகநபர் ஒருவர் கைது செய்யப்பட்டுள்ளார். அஹுங்கல்ல விசேட அதிரடிப்படை (STF) அதிகாரிகளால் நேற்று (17) இரவு இந்த கைது நடவடிக்கை முன்னெடுக்கப்பட்டது. கடந்த 16ஆம் திகதி அஹுங்கல்ல, லோகன்வத்த மயானத்திற்கு அருகாமையில் வைத்து, முச்சக்கர வண்டியில் பயணித்துக் கொண்டிருந்த 'பொடி பெட்டி' என்பவரை இலக்கு வைத்து T-56 ரக துப்பாக்கியால் சுடப்பட்டுள்ளது. இதன்போது அவர் உயிர் தப்பிய நிலையில், இச்சம்பவம் தொடர்பில் அஹுங்கல்ல பொலிஸ் நிலையத்தில் முறைப்பாடு செய்யப்பட்டிருந்தது. கிடைக்கப்பெற்ற இரகசிய தகவலின் அடிப்படையில், அஹுங்கல்ல விசேட அதிரடிப்படை அதிகாரிகள் நேற்று (17) இரவு முன்னெடுத்த தேடுதல் நடவடிக்கையின் போது, கொஸ்கொட, ஹேகல்ல பகுதியில் உள்ள விடுதி ஒன்றில் மறைந்திருந்த சந்தேகநபர் பிடிபட்டார். கைது செய்யப்பட்ட போது அவரிடம் இருந்து 13 கிராம் 760 மில்லி கிராம் ஐஸ் போதைப்பொருள் கைப்பற்றப்பட்டது கைது செய்யப்பட்டவர் கொஸ்கொட, பிடிகொட பிரதேசத்தைச் சேர்ந்த 45 வயதுடைய நபர் என அடையாளம் காணப்பட்டுள்ளார். மேலதிக விசாரணைகளை அஹுங்கல்ல பொலிஸார் மேற்கொண்டு வருகின்றனர்.

லொகு பெட்டி'யின் சகோதரரை சுட்டுக்கொல்ல முயன்ற சந்தேகநபர் கைது!

லொகு பெட்டி'யின் சகோதரரை சுட்டுக்கொல்ல முயன்ற சந்தேகநபர் கைது!

You may also like