மட்டு வெல்லாவெளி 35 ம் கொலனியில்&nbsp;&nbsp;கசிப்பு உற்பத்தி நிலையத்தை முற்றுகையிட்ட பொலிசார் மீது பெண்கள் உட்பட 25 பேர் கொண்ட குழுவினர் தாக்குதலில் இரு பொலிசார் படுகாயமடைந்த நிலையில் மட்டு போதனா வைத்தியசாலையில் அனுமதிக்கப்பட்ட சம்பவம் நேற்று வியாழக்கிழமை (6) இரவு இடம் பெற்றுள்ளது.&nbsp;&nbsp; இது பற்றி தெரியவருவதாவது குறித்த பகுதியில் கசிப்பு தயாரிப்பு நிலையம் செயற்பட்டு வருவதாக பொலிசாருக்கு கிடைத்த தகவல் ஒன்றினையடுத்து வெல்லாவெளி பொலிஸ் நிலைய பொறுப்பதிகாரி தலைமையில் ஜீப்வண்டி மற்றும் மோட்டார் சைக்கிளில் சென்ற&nbsp;7 பேர்&nbsp;கொண்ட பொலிஸ் குழுவினர்&nbsp;நேற்று இரவு 7 மணியளவில் 35 ம் கொலனியில் உள்ள கசிப்பு தயாரிப்பு நிலையத்தை முற்றுகையிட்டனர். . இதனையடுத்து அங்கு முற்றுகையிட்ட பொலிசார் மீது கசிப்பு உற்பத்தியில் ஈடுபட்டவர்களின் உறவினர்களான பெண்கள் உட்பட 25 பேர் கொண்ட குழுவினர் பொல்லுகளால்&nbsp;தாக்குதல் நடாத்தி அவர்களை கசிப்பு உற்பத்தி நிலையத்தை முற்றுகையிடவிடாமல் தடுத்தனர். இதன் போது இரு பொலிசார் படுகாயமடைந்ததையடுத்து அவர்களை மட்டு போதனா வைத்தியசாலையில் அனுமதித்தனர் . இதனையடுத்து அங்கு பெரும் பதற்றம் ஏற்பட்டதுடன் தாக்குதலை நடாத்தியவர்கள் அங்கிருந்து தப்பி ஓடியுள்ளதாகவும் பொலிசார் சென்ற மோட்டார் சைக்கிள் ஒன்று காணாமல் போயுள்ளதாகவும் தெரிவிக்கப்படுகிறது. அங்கு மேலதிக பொலிசார் வரவழைக்கப்பட்டு , தாக்குதலை நடாத்தி விட்டு தப்பி ஓடி தலைமறைவாகியவர்களை தேடிவருவதாக பொலிசார் தெரிவித்தனர் இது தொடர்பாக மேலதிக விசாரனைகளை வெல்லாவெளி பொலிசார் மேற்கொண்டு வருகின்றனர்.&nbsp; (கனகராஜா சரவணன்)

கசிப்பு நிலையத்தை முற்றுகையிட்ட பொலிஸார் மீது தாக்குதல்

கசிப்பு நிலையத்தை முற்றுகையிட்ட பொலிஸார் மீது தாக்குதல்

You may also like