முத்தரப்பு கிரிக்கெட் தொடரில் லாகூரில் நேற்று(25) நடைபெற்ற 4வது லீக் ஆட்டத்தில் இங்கிலாந்தை வீழ்த்தி பாகிஸ்தான் வெற்றி பெற்றது. இப்போட்டிக்கான நாணய சுழற்சியில் வென்ற பாகிஸ்தான் முதலில் பந்து வீச்சை தேர்வு செய்தது.இதனை தொடர்ந்து முதலில் துடுப்பாட்டம் செய்த இங்கிலாந்து 46.4 ஓவரில் 241 ஓட்டங்களுக்கு அனைத்து விக்கெட்டுக்களையும் இழந்தது. அந்த அணியின் தொடக்க வீரர் பென் டக்கெட் அதிகபட்சமாக 105 ஓட்டங்கள் குவித்தார். சிறப்பாக பந்து வீசிய பாகிஸ்தான் அணித்தலைவர் ஷாகின்ஷா அப்ரடி அதிகபட்சமாக 4 விக்கெட்டுகளை வீழ்த்தினார். இதையடுத்து 242 ஓட்டங்கள் எடுத்தால் வெற்றி என்ற இலக்குடன் களமிறங்கிய பாகிஸ்தான் 47.1 ஓவரில் 9 விக்கெட்டுகள் இழப்பிற்கு 243 ஓட்டங்கள் எடுத்தது.&nbsp; இதன் மூலம் இங்கிலாந்தை 1 விக்கெட் வித்தியாசத்தில் வீழ்த்தி பாகிஸ்தான் வெற்றிபெற்றது.&nbsp; அதிரடியாக ஆடிய பாகிஸ்தான் வீரர் சதாப் கான் 113 ஓட்டங்கள் குவித்து இறுதிவரை ஆட்டமிழக்காமல் அணியின் வெற்றிக்கு வழிவகுத்தார்.&nbsp; இங்கிலாந்து தரப்பில் ஜேமி ஓவர்டன் அதிகபட்சமாக 3 விக்கெட்டுகளை வீழ்த்தினார். பாகிஸ்தான், இலங்கை, இங்கிலாந்து இடையேயான முத்தரப்பு கிரிக்கெட் தொடர் பாகிஸ்தானில் கடந்த 18ம் திகதி ஆரம்பமாகி நடைபெற்று வருகிறது.

முத்தரப்பு ஒருநாள் கிரிக்கெட் தொடர் - இங்கிலாந்தை வீழ்த்தி பாகிஸ்தான் வெற்றி

முத்தரப்பு ஒருநாள் கிரிக்கெட் தொடர் - இங்கிலாந்தை வீழ்த்தி பாகிஸ்தான் வெற்றி

You may also like