பதுரலிய, பெலந்த, மல்பேரிய பகுதியில் உள்ள வீடொன்றில் மர்மமான முறையில் உயிரிழந்த முதியவர் ஒருவரின் உடல் வீட்டின் பின்புறம் உள்ள கால்வாயில் வீசப்பட்டு மண்ணால் மூடப்பட்ட நிலையில் நேற்று (18) கண்டெடுக்கப்பட்டதாக பொலிஸார் தெரிவித்துள்ளனர். 82 வயதான நபரே இவ்வாறு சடலமாக மீட்கப்பட்டுள்ளார். உயிரிழந்தவரின் தங்கையான 78 வயதான மூதாட்டியொருவர் மரணம் தொடர்பில் கைது செய்யப்பட்டுள்ளார். பொலிஸாருக்கு கிடைத்த இரகசிய தகவலையடுத்து சம்பந்தப்பட்ட வீட்டை ஆய்வு செய்தபோது சடலம் கண்டுபிடிக்கப்பட்டுள்ளது.&nbsp; இந்த இரண்டு முதியவர்களும் திருமணமாகாத அண்ணன் தங்கையாக நீண்ட காலமாக இந்த வீட்டில் வசித்து வந்தமை விசாரணையில் தெரிய வந்துள்ளது. குறித்த இருவரிடமும் தேசிய அடையாள அட்டை இல்லை என்பதும் அவர்கள் வாக்காளர் பட்டியலில் தங்களைப் பதிவு செய்துகொள்ளவில்லை என்பதும் பொலிஸாரின் முதற்கட்ட விசாரணையில் தெரிய வந்துள்ளது. இச் சம்பவம் தொடர்பில் நீதிவான் விசாரணை நடத்த ஏற்பாடுகள் செய்யப்பட்டு மேலதிக விசாரணைகள் நடைபெற்று வருகின்றன.

கால்வாயில் வீசப்பட்ட நிலையில் முதியவரின் சடலம் கண்டுபிடிப்பு

கால்வாயில் வீசப்பட்ட நிலையில் முதியவரின் சடலம் கண்டுபிடிப்பு

You may also like