அமெரிக்கா இன்று இரவு ஈரான் மீது மிகக் கடுமையான தாக்குதலை நடத்தும் என அமெரிக்க ஜனாதிபதி டொனால்ட் ட்ரம்ப் தனது ட்ரூத் தளத்தில் பதிவிட்டுள்ளார். அவரது பதிவில், ஈரானின் கடற்படை, விமானப்படை, ராடார் அமைப்புகள், விமான எதிர்ப்பு ஏவுகணை கட்டமைப்புகள் உள்ளிட்ட முக்கிய பாதுகாப்பு வசதிகளும், தாக்குதல் திறன்களின் பெரும்பகுதியும் ஏற்கனவே அழிக்கப்பட்டுவிட்டதாகக் குறிப்பிட்டுள்ளார். இதன் பின்னணியில், அமெரிக்கா இன்று இரவு ஈரான் மீது “மிகக் கடுமையான” தாக்குதலை முன்னெடுக்கவுள்ளதாக அவர் எச்சரித்துள்ளார். மேலும், எதிர்காலத்தில் ஈரானின் முக்கிய எண்ணெய் ஏற்றுமதி மையமான கார்க் தீவு மற்றும் பிற எண்ணெய் உள்கட்டமைப்பு மையங்களை அமெரிக்கா தனது கட்டுப்பாட்டுக்குள் கொண்டு வரும் எனவும் ட்ரம்ப் தெரிவித்துள்ளார்.&nbsp; அத்துடன், வெனிசுலாவில் நடைமுறைப்படுத்தப்பட்ட மாதிரியைப்போல, ஈரானின் எண்ணெய் மற்றும் எரிவாயு சந்தைகளின் முழுமையான கட்டுப்பாட்டையும் அமெரிக்கா பெற்றுக்கொள்ளும் என அவர் கூறியுள்ளார். இந்த அறிவிப்பு, அண்மைய நாட்களாக அமெரிக்கா மற்றும் ஈரான் இடையே தீவிரமடைந்துவரும் இராணுவ பதற்றத்தின் மத்தியில் வெளியாகியுள்ளது. இரு நாடுகளுக்கும் இடையிலான மோதல் மேலும் தீவிரமடையக்கூடும் என்ற அச்சத்தை இது ஏற்படுத்தியுள்ளது.

ஈரான் மீது இன்று இரவு கடுமையான தாக்குதல் நடத்தப்படும் – ட்ரம்ப் எச்சரிக்கை

ஈரான் மீது இன்று இரவு கடுமையான தாக்குதல் நடத்தப்படும் – ட்ரம்ப் எச்சரிக்கை

You may also like