2026&nbsp;வரவு செலவு திட்டத்தில் , அபிவிருத்திக்கு&nbsp;ஒதுக்கப்பட்ட 1,380 பில்லியன் ரூபாயில், செப்டம்பர் 30 ஆம் திகதி வரை 385 பில்லியன் ரூபாய் மட்டுமே (27.9%) செலவு செய்யபட்டுள்ளது. எஞ்சிய 995 பில்லியன் ரூபாயில், செலுத்தப்பட வேண்டிய கொடுப்பனவுகள் ஏதேனும் இருந்தால், அவற்றை கழித்து, எவ்வளவு தொகை மீதமாகி&nbsp;உள்ளது என்பதே கேள்வி என தமிழ் முற்போக்கு கூட்டணி தலைவர் மனோ கணேசன் எம்பி தெரிவித்துள்ளார். மனோ எம்.பி இது தொடர்பில் மேலும் கூறியுள்ளதாவது,''பாதீட்டில் பெரும் எடுப்பில் நிதி ஒதுக்கீடு அறிவித்து, கைதட்டல், மலர் மாலை, ஜயமே-வா கோஷங்கள்,&nbsp;வாங்க வேண்டியது. ஆனால் ஒதுக்கப்படும்&nbsp;நிதி பயன்படுத்தபடாமல் திரும்புகிறது.&nbsp; ஹட்டன் நகரில் ஒருவர், நடு வீதியில் அனுரவின் படத்தை வைத்து, “எங்கள் குல சாமி” என கை கூப்பி வணங்கினார். இப்போது ஹட்டன் அபிவிருத்திக்கு என ஒதுக்கிய 50 கோடியும்,&nbsp;பயன்படுத்த படாமல் பத்திரமாக “வீடு திரும்பி” உள்ளது. "குல சாமி" என்று கொண்டாடிய அந்த "குலவிளக்கை"&nbsp;நான் தேடுகிறேன் என தமிழ் முற்போக்கு கூட்டணி தலைவர் மனோ கணேசன் எம்.பி தெரிவித்துள்ளார். ஒதுக்கபடும் நிதி பயனில்லாமல், திட்டம் இல்லாமல் திரும்பும் என்றால், கையாலாகாத அரசு என்பதற்கு இதை விட வேறு உதாரணம் தேவை இல்லை.&nbsp; 2026 வரவு செலவு திட்டத்தின் மூலதன செலவினங்களின் முன்னேற்றம் தொடர்பான அமைச்சு வாரியான விபரங்களை பெற்று தருமாறு பாராளுமன்ற செயலாளர் நாயகம் ஊடாக பொது நிதி குழு தலைவர் ஹர்ஷா டி சில்வாவிடம் கோரி உள்ளேன். 2026 பாதீட்டில், அபிவிருத்திக்கு&nbsp;ஒதுக்கப்பட்ட 1,380 பில்லியன் ரூபாயில், செப்டம்பர் 30 ஆம் திகதி வரை 385 பில்லியன் ரூபாய் மட்டுமே (27.9%) செலவு செய்யபட்டுள்ளது. எஞ்சிய 995 பில்லியன் ரூபாயில், செலுத்தப்பட வேண்டிய கொடுப்பனவுகள் ஏதேனும் இருந்தால், அவற்றை கழித்து, எவ்வளவு தொகை மீதமாகி&nbsp;உள்ளது என்பதே கேள்வி.&nbsp; அதாவது,&nbsp;2027 ஆம் ஆண்டுக்கான நிதி ஒதுக்கீடுகளுக்கு ஒப்புதல் வழங்க முன், கடந்த 2026ம் வருட ஒதுக்கீடுகளில் எவ்வளவு பயன்படுத்தபட்டது என்பதை அரசு பாராளுமன்றத்துக்கு கூற வேண்டும்.'' என தெரிவித்துள்ளார்.

2026 வரவு செலவு திட்டம் குறித்து மனோ எம்.பி எழுப்பியுள்ள கேள்வி

2026 வரவு செலவு திட்டம் குறித்து மனோ எம்.பி எழுப்பியுள்ள கேள்வி

You may also like