நிலவும் கடும் மழை மற்றும் சீரற்ற காலநிலை காரணமாக நுவரெலியா மாவட்டத்தில் 581 குடும்பங்களைச் சேர்ந்த 2,331 பேர் பாதிக்கப்பட்டுள்ளதாக மாவட்ட செயலாளர் துஷாரி தென்னகோன் தெரிவித்துள்ளார். இன்று (03) மாலை வெளியிடப்பட்ட மாவட்ட அனர்த்த நிலவர அறிக்கையின்படி, இதுவரை 6 பேர் காணாமல் போயுள்ளனர். அவர்களில் 2 பேர் வெள்ளத்தில் அடித்துச் செல்லப்பட்டதாகவும், 4 பேர் மண்சரிவில் சிக்கியுள்ளதாகவும் தெரிவிக்கப்பட்டுள்ளது. மேலும், சீரற்ற காலநிலையால் இதுவரை மூவர் சிறிய காயங்களுக்கு உள்ளாகியுள்ளனர். பாதுகாப்பு கருதி 439 குடும்பங்களைச் சேர்ந்த 1,734 பேர் இடம்பெயர்த்தப்பட்டு, 7 தற்காலிக இடைத்தங்கல் முகாம்களில் தங்க வைக்கப்பட்டுள்ளனர். அவர்களுக்குத் தேவையான அனைத்து அடிப்படை வசதிகளும் நுவரெலியா மாவட்ட செயலகத்தின் ஒருங்கிணைப்பில் வழங்கப்பட்டு வருவதாக மாவட்ட செயலாளர் தெரிவித்துள்ளார். ஹட்டன், கொட்டக்கலை மற்றும் தலவாக்கலை உள்ளிட்ட பல பகுதிகளில் கிராமங்கள் இன்னும் வெள்ளத்தில் மூழ்கியுள்ளன. இருப்பினும், இன்று மாலை நுவரெலியா நகரில் மழை ஓரளவு குறைந்ததையடுத்து வெள்ளநீர் சற்றுக் குறைந்துள்ளதுடன், பல வீடுகளில் இன்னும் வெள்ளநீர் தேங்கியுள்ளதாகவும் அவர் குறிப்பிட்டுள்ளார். (செ.திவாகரன்)

நுவரெலியா மாவட்டத்தில் வெள்ளம், மண்சரிவு - 2,331 பேர் பாதிப்பு; 6 பேர் மாயம்

நுவரெலியா மாவட்டத்தில் வெள்ளம், மண்சரிவு - 2,331 பேர் பாதிப்பு; 6 பேர் மாயம்

You may also like