அக்குரஸ்ஸ பொலிஸ் நிலையத்தின் குற்றப் புலனாய்வுப் பிரிவின் பொறுப்பதிகாரியைப் பணியிலிருந்து நீக்குவதற்கு பொலிஸ் மா அதிபர் நடவடிக்கை எடுத்துள்ளார். போதைப்பொருள் கடத்தலில் ஈடுபடும் பல பெண்களுடன் தொடர்புகளைப் பேணி வந்தமை உள்ளிட்ட பல்வேறு ஒழுக்காற்று முறைகேடுகள் தொடர்பில் அவருக்கு எதிராகக் குற்றப்பத்திரிகை தாக்கல் செய்யப்பட்டிருந்தது. இது தொடர்பான விசாரணையின்போது, சுமத்தப்பட்டிருந்த அனைத்து குற்றச்சாட்டுகளையும் அவர் ஏற்றுக்கொண்டதைத் தொடர்ந்து, இந்த நடவடிக்கை எடுக்கப்பட்டுள்ளது. இதற்கமைய, குறித்த உப பொலிஸ் பரிசோதகரை உடனடியாக அமுலுக்கு வரும் வகையில் பணியிலிருந்து நீக்குவதற்கு பொலிஸ் மா அதிபர் நடவடிக்கை எடுத்துள்ளார். இதேவேளை, கடந்த ஏப்ரல் மாதம் சிங்கள, தமிழ் புத்தாண்டு தினத்தன்று அக்குரஸ்ஸ பகுதியில் நடைபெற்ற புத்தாண்டு கொண்டாட்ட நிகழ்வில் கலந்துகொண்ட சிலரை கைது செய்து, அவர்களிடமிருந்த 5 இலட்சம் ரூபாய் பணத்தைக் கொள்ளையிட்டதாகவும் குறித்த அதிகாரி மீது குற்றச்சாட்டுகள் முன்வைக்கப்பட்டுள்ளதாகத் தெரிவிக்கப்படுகிறது.

அக்குரஸ்ஸ பொலிஸ் குற்றப் புலனாய்வுப் பிரிவின் பொறுப்பதிகாரி பணி நீக்கம்!

அக்குரஸ்ஸ பொலிஸ் குற்றப் புலனாய்வுப் பிரிவின் பொறுப்பதிகாரி பணி நீக்கம்!

You may also like