&nbsp;&nbsp;அமெரிக்க பாராளுமன்ற அதிகாரத்தைக் கைப்பற்றுவது யார் என்பதைத் தீர்மானிக்கும் மிக முக்கிய இடைத்தேர்தல் முடிவுகளில், எதிர்க்கட்சியான ஜனநாயகக் கட்சி தொடர் முன்னிலையைப் பெற்று வருகிறது. ஆளும் ஜனாதிபதி டொனால்ட் ட்ரம்ப் தலைமையிலான குடியரசுக் கட்சிக்கு இது பின்னடைவாகப் பார்க்கப்படுகிறது.உலக நாடுகளின் கவனத்தை ஈர்த்துள்ள இந்தத் தேர்தலில், பாராளுமன்றத்தின் இரு அவைகளான செனட் &nbsp;மற்றும் பிரதிநிதிகள் சபைக்கு தீவிர வாக்கெடுப்பு மற்றும் வாக்கு எண்ணிக்கை நடைபெற்று வருகிறது. இதுவரை வெளியான முடிவுகளின்படி, மொத்தமுள்ள இடங்களில் ஜனநாயகக் கட்சி 45 இடங்களையும், குடியரசுக் கட்சி 34 இடங்களையும் கைப்பற்றியுள்ளன.ஜனநாயகக் கட்சி 64 தொகுதிகளில் வெற்றி பெற்று முன்னிலை வகிக்கிறது. குடியரசுக் கட்சி 29 இடங்களை மட்டுமே பெற்றுள்ளது. அமெரிக்க ஜனாதிபதியின் பதவிக்காலத்தின் நடுப்பகுதியில் நடைபெறும் இந்த இடைத்தேர்தல், தற்போதைய ஆட்சியின் மீதான மக்களின் தீர்ப்பாகக் கருதப்படுகிறது. பொருளாதாரச் சூழல், சமூக நலத் திட்டங்கள் மற்றும் வெளியுறவுக் கொள்கை ஆகிய முக்கிய அம்சங்களை அடிப்படையாகக் கொண்டே மக்கள் வாக்களித்துள்ளனர். வெள்ளை மாளிகையின் கொள்கை முடிவுகள், புதிய சட்டங்களை நிறைவேற்றுதல் மற்றும் ஜனாதிபதியின் நிர்வாக நடவடிக்கைகளுக்கு ஒப்புதல் அளித்தல் ஆகியவற்றிற்கு பாராளுமன்றத்தின் ஆதரவு அத்தியாவசியமானது. தற்போது ஜனநாயகக் கட்சி பெறப்போகும் பெரும்பான்மை, அமெரிக்காவின் எதிர்கால அரசியல் மற்றும் சட்ட மாற்றங்களில் பெரும் தாக்கத்தை ஏற்படுத்தும்.அமெரிக்காவின் இந்த அதிகார மாற்றம் சர்வதேச அரசியல் மற்றும் உலகப் பொருளாதாரத்தில் எதிரொலிக்கும் என்பதால், இறுதி முடிவுகள் வெளியாகும் வரை தேர்தல் களம் உலக அளவில் பெரும் எதிர்பார்ப்பை ஏற்படுத்தியுள்ளது.

அமெரிக்க பாராளுமன்ற இடைத்தேர்தல்- ட்ரம்ப்பின் குடியரசு கட்சி பின்னடைவு

அமெரிக்க பாராளுமன்ற இடைத்தேர்தல்- ட்ரம்ப்பின் குடியரசு கட்சி பின்னடைவு

You may also like