மகளிர் மற்றும் சிறுவர் விவகார அமைச்சர் பிள்ளைகளின் நலனுக்காக எடுத்துள்ள தீர்மானங்களுக்கு எதிர்க்கட்சியும் அனுமதியையும் ஆதரவையும் நல்குகின்றது.&nbsp;நமது நாட்டின் சிறார்கள் சந்ததிக்கு ஆரோக்கியமான வாழ்க்கை முறை மற்றும் உரிய போசாக்கு கிடைத்தால் மாத்திரமே அவர்களின் உரிமைகள் பாதுகாக்கப்படுமென எதிர்க்கட்சித் தலைவர் சஜித் பிரேமதாச இன்று (20) பாராளுமன்றத்தில் தெரிவித்துள்ளார். இது தொடர்பில் அவர் தொடர்ந்து தெரிவிக்கையில், தொகைமதிப்பு மற்றும் புள்ளிவிபரத் திணைக்களமும் அரசாங்கமும் அங்கீகரித்த பல புள்ளிவிபரங்களின் அடிப்படையில் கொள்கைகள் உருவாக்கப்பட்டிருக்கின்றன. இருந்தபோதிலும், இதன் மூலம் சிறார்களின் உரிமைகள் பாதுகாக்கப்படுவதற்கு பதிலாக, சிறுவர்கள், தாய்மார்கள் மற்றும் குடும்பத்தின் போசாக்கின்மைதான் அதிகரிக்கின்றது. பிள்ளைகளினது உரிமைகளைப் பாதுகாக்க வேண்டுமானால் பெற்றோர்களின் ஜீவனோபாயத்தைப் பலப்படுத்த வேண்டும். இதன் பொருட்டு அரசாங்கம் தலையிட்டு மக்கள் முகங்கொடுக்கும் பாரதூரமான பிரச்சினைகளுக்கு விரைந்த தீர்வுகளைப் பெற்றுக் கொடுங்கள் என அரசாங்கத்திடம் கோரிக்கை விடுக்கிறேன். ரூ. 17,315 வை வைத்துக் கொண்டு 30 நாட்கள் வாழ முடியுமா? தொகைமதிப்பு மற்றும் புள்ளிவிபரத் திணைக்களம், 2026 மே மாதத்திற்கு நபர் ஒருவரால் 30 நாட்கள் வாழ்வதற்கு ரூ. 17,315 போதுமானது என்று தெரிவித்திருக்கின்றது. உண்மையில் இது சாத்தியமற்ற விடயம்.&nbsp;இவ்வாறான பிழையான தகவல்களின் அடிப்படையில் உருவாகும் புள்ளிவிபரங்களினால் பிள்ளைகளின் ஆரோக்கியமான வாழ்க்கைக்கான உரிமை மீறப்படுகின்றன. இது பிள்ளைகளுக்கு, தாய்மார்களுக்கும், பெண்களுக்கும் இளைஞர்களுக்கும் ஏன் ஒட்டுமொத்த 220 இலட்சம் மக்களுக்கும் இழைக்கப்படும் அநீதியாகும். அரசாங்கம் அகற்றும் மணலால் மீண்டும் நிரம்பும் கிரிந்த மீன்பிடித் துறைமுகம். பெற்றோர்களின் ஜீவனோபாயம் முடங்கும் வேளைகளில் பிளலளைகளின் உரிமைகள் பாதுகாக்கப்படுமா என்ற விடயத்தில் பிரச்சினை எழுகின்றது. கிரிந்த துறைமுகத்தில் மீன்பிடித் தொழிலில் ஆயிரக்கணக்கான மீனவர்கள் ஈடுபட்டுள்ளனர். இருந்தபோதிலும், தற்போது கிரிந்த மீன்பிடித் துறைமுகத்தின் செயற்பாடுகள் முடங்கியுள்ளன. ஆயிரக்கணக்கானோர் ஜீவனோபாயங்களை&nbsp;பெற்று வந்த குறித்த துறைமுகம் மணல் மேடுகளால் நிரம்பிப்போயுள்ளன.&nbsp; இங்கு தொடரும் மணல் மேடுகளை அகற்றுவதற்கு அரசாங்கம் கோடிக்கணக்கில் பணம் செலுத்தினாலும், அவ்வாறு அகற்றப்படும் மணல் துறைமுகத்தின் மறுபுறத்தில் கொட்டப்படுகின்றன. இதனால் அகற்றப்படும் மணல் கடலலைகளால் மீண்டும் நிரம்பி வருகின்றன. இவர்களின் வருமானம் கிடைக்காத வேளைகளில் இவர்களின் குடும்பங்களில் இருக்கும் பிள்ளைகளின் உரிமைகள் எவ்வாறு பாதுகாக்கப்படும் என்ற கேள்வி எழுகின்றது. இஸ்ரேல் வேலைவாய்ப்பு கனவு கலைந்து&nbsp;விட்டது - இன்னும் தீர்வில்லை. இளைஞர் யுவதிகள் பல்லாயிரக்கணக்கில் இஸ்ரேல் சென்று நல்ல வருமானத்தை ஈட்டிக்கொள்ளும் எதிர்பார்பில் காத்துக் கொண்டிருக்கின்றனர். இது நாட்டின் பொருளாதாரத்திற்கும் பலம் சேர்ப்பதாக அமைந்து காணப்படுகின்ற போதிலும், தற்சமயம் இஸ்ரேல் அனுப்பும் அரசாங்கங்களுக்கிடையிலான இணக்கப்பாட்டுத் திட்டமானது செயலற்றுப்போய் காணப்படுகின்றன.&nbsp; ரூபா 4 இலட்சத்தில் செல்ல முடியாக அமைந்து காணப்படும் இஸ்ரேலுக்கான பயணத்தை தனியார் தரப்பினருக்கு ரூபா 45 இலட்சம் வரை செலுத்தி போக வேண்டிய நிலை தற்போது ஏற்பட்டுள்ளது. இந்தியா நேரடியாக இஸ்ரேலுக்கு தொழிலாளர்களை அரசாங்கம் வாயிலாகவே அனுப்பி வருகின்றது. தற்சமயம் இலங்கையில் 92% ஆனோர் கூடிய தொகைகளைச் செலுத்தி தனியார் நிறுவனங்கள் மூலமே செல்கின்றனர். இதனால் இளையோர் சமூகம் அவதிப்பட்டு வருகின்றது.&nbsp; இவர்களினது வெளிநாட்டு வேலைவாய்ப்பு கனவுகள் கலைந்துபோயுள்ளன. பொலிஸ் அறிக்கைகள், வைத்தியசாலை அறிக்கைகளைப் பெற்று காத்திருப்புப் பட்டியலில் 3442 பேர் காணப்படுகின்றனர். இவர்களை அனுப்பி வைக்க இதுவரைக்கும் இந்த அரசாங்கத்திற்கு இயலாமற் தான் போயுள்ளது. பெரும்பாலான இளையோர் சமூகம் தனியார் துறைக்கு இரையாகிப்போயுள்ளனர். நெல் கிலோவிற்கு நியாயமான விலையை இப்போதாவது பெற்றுக் கொடுங்கள்.&nbsp; தினமும் இந்த பாராளுமன்றம் கூடும் நாட்களில் விவசாயிகளின் பிரச்சினைகள் பற்றிப் பேசியதால், தற்போது அரசாங்கத்திற்கு இரக்கம் ஏற்பட்டு நெல்லைக் கொள்வனவு செய்ய, மேலதிக நிதிகளை ஒதுக்குவதற்கு நிதி பற்றிய குழுவின் அனுமதிக்கு அனுப்பி வைத்துள்ளனர். ரூ. 7.5 பில்லியன் இதற்காக ஒதுக்கப்பட்டுள்ளது நல்ல விடயமாகும்.&nbsp;&nbsp; என்றாலும் இது முழுமையான தீர்வாக அமையாது. நெல் கிலோவொன்றை உற்பத்தி செய்வதற்கு ரூ. 137 செலவாகும் நிலையில், அந்த உற்பத்திச் செலவை ஈடு கொடுக்கும் வகையில் நெல் கிலோவிற்கு நியாயமான விலையை பெற்றுக் கொடுக்கும் அதேவளை முறையான நெல் கொள்வனவுத் திட்டமொன்றும் அவசியம். அம்பலாந்தோட்டை மகாவலி அபிவிருத்தி வலயத்தில் 10,000 ஏக்கர் நீர்ப்பாசனத் திட்டத்திற்குள் 3 நீர் வடிகால் வாய்க்கால்களில் அதிகப்படியான நீர் வருவதால் 250 மீட்டர் அணைக்கட்டு ஒன்று நிர்மாணிக்கப்பட்டுள்ளது. இதனால் பெரும்போக பருவத்தில் வெள்ளப்பெருக்கு ஏற்பட்டு, பல்லாயிரக்கணக்கான ஏக்கர் நெல் பயிர்கள் பாழாகி வருகின்றது. இந்த அணைக்கட்டுக்கு இப்போது உரிமையாளர் யாரும் இல்லை.&nbsp; ஆகவே இச்சமயத்திலேனும் மக்களின் கோரிக்கைக்கு செவிமடுத்து ஐந்து அடி கதவுகள் இரண்டை நிரமாணித்துக் கொடுத்து, மக்களின் வாழ்க்கையை சுபீட்சமாக்குமாறு கோரிக்கை விடுக்கிறேன் என்று எதிர்க்கட்சித் தலைவர் இங்கு மேலும் தெரிவித்தார்.

சிறார்களின் உரிமைகளைப் பாதுகாக்க வாழ்வாதாரம் வலுப்படுத்தப்பட வேண்டும் – சஜித்

சிறார்களின் உரிமைகளைப் பாதுகாக்க வாழ்வாதாரம் வலுப்படுத்தப்பட வேண்டும் – சஜித்

You may also like