கால்பந்து உலகின் ஜாம்பவான்களில் ஒன்றான இத்தாலி அணி, இந்த ஆண்டு அமெரிக்காவில் நடைபெறவுள்ள உலகக் கிண்ணத் தொடருக்கு தகுதிபெறும் வாய்ப்பை மீண்டும் இழந்தது. பொஸ்னியா மற்றும் ஹெர்சகோவினா&nbsp;அணிக்கு எதிரான முக்கிய போட்டியில் தீர்மானமிக்க பிளே-ஆஃப் இறுதிப் போட்டியில், இத்தாலி அணி 4-1 என்ற பெனால்டி சூட்-அவுட் கணக்கில் படுதோல்வியடைந்தது. இதன் மூலம் இத்தாலி அணியின் உலகக் கிண்ணக் கனவு மீண்டும் ஒருமுறை சிதைக்கப்பட்டுள்ளது. குறித்த போட்டியின் 15வது நிமிடத்தில் மோயிஸ் கீன் அடித்த கோல் மூலம் இத்தாலி கால்பந்தாட்ட அணி முன்னிலை பெற்றது. இருப்பினும், முதல் பாதி முடிவதற்கு நான்கு நிமிடங்களுக்கு முன்னதாக அலெஸாண்ட்ரோ பாஸ்டோனி சிவப்பு அட்டை காட்டப்பட்டு வெளியேற்றப்பட்டார். இதனையடுத்து இத்தாலி அணி 10 வீரர்களுடன் விளையாட வேண்டிய கட்டாயத்திற்குத் தள்ளப்பட்டது. இதனைப் பயன்படுத்திக்கொண்ட பொஸ்னியா அணி 79வது நிமிடத்தில் கோல் அடித்து போட்டியைச் சமன் செய்தது. மேலதிக நேரத்திலும் முடிவுகள் எட்டப்படாத நிலையில், வெற்றியாளரைத் தீர்மானிக்க பெனால்டி சூட்-அவுட் முறை கையாளப்பட்டது. இதில் இத்தாலியின் பியோ எஸ்போசிட்டோ மற்றும் பிரையன் கிறிஸ்டான்டே ஆகியோர் கோல் அடிக்கத் தவறியமை அந்த அணிக்கு பெரும் பின்னடைவாக அமைந்தது. உலகக் கிண்ண வரலாற்றில் செம்பியன் பட்டம் வென்ற ஒரு அணி, தொடர்ச்சியாக மூன்று முறை தகுதிபெறும் வாய்ப்பை இழப்பது இதுவே முதல் முறையாகும்.

கால்பந்தாட்ட வாய்ப்பை மீண்டும் இழந்த இத்தாலி அணி

கால்பந்தாட்ட வாய்ப்பை மீண்டும் இழந்த இத்தாலி அணி

You may also like