மத்திய அதிவேக வீதியின் ரம்புக்கனை முதல் கலகெதர வரையான அடுத்தகட்ட நிர்மாணப் பணிகளுக்காக 112 பில்லியன் ரூபாவை முழுமையாக அரசாங்க நிதியிலிருந்து பயன்படுத்த அமைச்சரவை அனுமதி வழங்கியுள்ளது. புதிய வெளிநாட்டு கடன்கள் எதனையும் பெறாமல் இந்தத் திட்டம் முன்னெடுக்கப்படவுள்ளதாக போக்குவரத்து மற்றும் நெடுஞ்சாலைகள் அமைச்சர் பிமல் ரத்நாயக்க தெரிவித்துள்ளார். எமது பொருளாதார மீட்சிக்கான இறுதிச் சான்று இதுவாகும். கடந்த 18 மாதங்களாக நிதி அமைச்சின் மூலோபாயத் தலைமையின் கீழ், ஒரு காலத்தில் எட்டாக் கனவாக இருந்த விடயம் தற்போது நிதியுதவியுடன் கூடிய யதார்த்தமாக மாறியுள்ளது," என அமைச்சர் தனது எக்ஸ் பதிவில் குறிப்பிட்டுள்ளார். கொழும்பு – கண்டி இணைப்பை வலுப்படுத்தும் முக்கிய திட்டமாகக் கருதப்படும் இந்த நிர்மாணப் பணிகள், நாட்டின் பொருளாதார மீட்சியின் முக்கிய முன்னேற்றமாகவும் அமைச்சர் தெரிவித்துள்ளார்.

மத்திய அதிவேக வீதி அபிவிருத்திக்கு 112 பில்லியன் ரூபா - அமைச்சரவை அனுமதி

மத்திய அதிவேக வீதி அபிவிருத்திக்கு 112 பில்லியன் ரூபா - அமைச்சரவை அனுமதி

You may also like