அரசாங்கத்தால் பாராளுமன்றத்தில் தாக்கல் செய்யப்பட்ட, அரசியலமைப்பின் 22வது திருத்தத்தை எதிர்த்துத் தாக்கல் செய்யப்பட்ட மனுக்களை, முழு உயர்நீதிமன்ற நீதியரசர்கள் அமர்வு முன்னிலையில் விசாரணைக்கு எடுத்துக்கொள்ளுமாறு விடுக்கப்பட்ட மனுதாரர்களின் கோரிக்கையை உயர் நீதிமன்றம் நிராகரித்துள்ளது. உத்தரவைப் பிறப்பித்த பிரதம நீதியரசர், கோரிக்கை நிராகரிக்கப்பட்டதாகவும், மனுக்கள் மீதான பரிசீலனை தற்போதுள்ள அமர்வின் முன்பாகவே தொடரும் என்றும் தெரிவித்தார். 22வது அரசியலமைப்புத் திருத்தச் சட்டமூலத்திற்கு எதிராகத் தாக்கல் செய்யப்பட்டுள்ள மனுக்களை முழு உயர்நீதிமன்ற நீதியரசர்கள் அமர்வு முன்னிலையில் விசாரணைக்கு எடுத்துக்கொள்ளுமாறு மனுதாரர்களால் கோரிக்கைகள் விடுக்கப்பட்டன.&nbsp; இந்த கோரிக்கைகள் மீதான தீர்மானத்தை அறிவிப்பதற்காக, மனுக்கள் மீதான விசாரணையை 15 நிமிடங்களுக்கு ஒத்திவைத்த உயர்நீதிமன்றம், தற்போது அந்த கோரிக்கைகளை நிராகரிப்பதாக அறிவித்துள்ளது.

22வது திருத்தம் - மனுதாரர்களின் கோரிக்கை உயர்நீதிமன்றால் நிராகரிப்பு

22வது திருத்தம் - மனுதாரர்களின் கோரிக்கை உயர்நீதிமன்றால் நிராகரிப்பு

You may also like