&nbsp;சிவகங்கை மாவட்டம் திருப்புவனம் அருகே மடப்புரம் பத்ரகாளியம்மன் கோவிலில் பாதுகாவலராக அஜித்குமார் என்பவர் பணியாற்றி வந்த நிலையில், நகைத் திருட்டு தொடர்பில் பொலிஸார் அவரை விசாரணைக்கு அழைத்துச் சென்று ஜூன் 28ஆம் திகதி பொலிஸார் தாக்கியதில் அஜித்குமார் உயிரிழந்தார். இந்நிலையில், அஜித் குமார் மரணத்திற்கு நீதி கேட்டும், உயர்நீதிமன்ற கண்காணிப்பின் கீழ் விசேட புலனாய்வு குழு விசாரிக்க வலியுறுத்தியும், பொலிஸார் விசாரணை மரணங்கள் குறித்து வெள்ளை அறிக்கை வெளியிட தமிழ்நாடு அரசை வலியுறுத்தியும் இன்று விஜய் தலைமையில் கண்டன ஆர்ப்பாட்டம் நடைபெற்று வருகிறது. ஆர்ப்பாட்டத்தில், "சாரி வேண்டாம்... நீதி வேண்டும்" போன்ற முழக்கங்கள் எழுப்பப்பட்டன. மேலும், தமிழகத்தில் லாக்-அப் மரணங்களால் உயிரிழந்தவர்களின் குடும்பங்களைச் சேர்ந்தவர்களும் இந்த ஆர்ப்பாட்டத்தில் கலந்துகொண்டனர். இந்த ஆர்ப்பாட்டத்திற்கு தலைமை ஏற்று பேசிய நடிகர் விஜய், &nbsp;“அஜித்குமார், சாதாரண குடும்பத்தை சேர்ந்த இளைஞர், அந்த குடும்பத்துக்கு நேர்ந்த கொடுமைக்கு, சி.எம். சார் சாரி சொன்னீங்க. அது தப்பில்லை. ஆனால் இதே ஆட்சியில 24 இளைஞர்கள் இதேபோல இறந்திருக்காங்க அவங்க குடும்பத்துக்கும் சாரி சொல்லிருங்க ஸ்டாலின் சார்…. இளைஞர் அஜித்குமார் குடும்பத்துக்கு கொடுத்த நிவாரணம் போல, எல்லா குடும்பங்களுக்கும் நிவாரணம் கொடுக்க வேண்டும்.” எனக் தெரிவித்துள்ளார்.&nbsp;

அஜித்குமார் கொலை வழக்கு – விஜய் தலைமையில் கண்டன ஆர்ப்பாட்டம்

அஜித்குமார் கொலை வழக்கு – விஜய் தலைமையில் கண்டன ஆர்ப்பாட்டம்

You may also like