ஜனாதிபதி ரணில் விக்கிரமசிங்க கைது செய்யப்பட்டு, நீதிமன்றத்துக்கு முன்னிலைப்படுத்தப்பட்டது தொடர்பில்&nbsp;ஊடகங்களுக்குத் தாம் தெரிவித்திருந்த கருத்தைத் திரிபுப டுத்தி, மக்கள் மத்தியில் தவறான மனப்பதிவை ஏற்படுத்தும் விதத்தில் ஒரு யூடியூப் தளத்தினர் தவறாகத் தலைப்பிட்டிருந்ததைச் சுட்டிக்காட்டியுள்ள ஸ்ரீலங்கா முஸ்லிம் காங்கிரஸ் தலைவரும், பாராளுமன்ற உறுப்பினருமான ரவூப் ஹக்கீம் அதையிட்டு விசனம் தெரிவித்துள்ளார்.&nbsp;&nbsp;பாராளுமன்றக் குழுவில்&nbsp;தற்பொழுது இந்தியாவுக்கு உத்தியோகபூர்வமாகச் சென்றிருக்கும் அவர், இவ்வாறு&nbsp;நீதித் துறையின் சுதந்திரத்தை கொச்சைப்படுத்தும் வகையில்&nbsp;திரிபு படுத்தி செய்தி வெளியிடுவதைக் கண்டித்துள்ளார்.&nbsp; இது தொடர்பில்&nbsp;முஸ்லிம் காங்கிரஸ் தலைவர் சட்டமுதுமாணி ரவூப் ஹக்கீம்&nbsp;பின்வரும்&nbsp;விளக்கத்தை&nbsp;வெளியிட்டுள்ளார். பிரஸ்தாப யூடியுப்(You tube) தளத்தில், "சட்டம் அனைவருக்கும் சமம்தான்.ஆனால், அவர் அவ்வாறு நடத்தப்பட்டிருக்கக் கூடாது " என்று நான் கூறும் தோரணையில்&nbsp;தலைப்பிடப்பட்டிருந்தது."சட்டத்தின் முன் யாவரும் சமம்"&nbsp;என்ற கோட்பாடு&nbsp;&nbsp;அனைவருக்கும் பொதுவானது.ஆனால் , மிகப் பாரதூரமான கிரிமினல்&nbsp;குற்றவாளியொருவர் போன்று அவர் நடத்தப்பட்டிருக்கக் கூடாது.நிலைமை இவ்வாறிருக்க, உண்மைக்குப் புறம்பாகக் கூறக்கூடாது. குற்றப் புலனாய்வுத் திணைக்களம் அவரை நடத்திய விதம் குறித்துத்தான் நான் கருத்து தெரிவித்திருந்தேன். அவர்கள் அவரை உடனடியாக கைது செய்து, நீதவானிடம் கொண்டு சென்றிருக்கக்கூடாது. அதற்கு பதிலாக,சாட்சியங்கள் பதிவு செய்யப்பட்டிருந்தால்,அத்துடன் வாக்குமூலங்கள் பதிவு செய்யப்பட்டிருந்தால், குற்றம் நடந்திருப்பது உரிய முறையில் கண்டறியப்பட்டிருந்தால், அவற்றை 'பி' (B)அறிக்கையொன்றின் மூலம் நீதவானிடம் சமர்ப்பித்து , அழைப்பாணை&nbsp;(Summons)விடுக்குமாறு கோரும் வாய்ப்பு உள்ளது.அதனைப் பரிசீலித்து நீதவான்,மன்றில் ஆஜர் ஆவதற்கு உரிய உத்தரவைப் பிறப்பித்திருப்பார். அது ,முன்னாள் ஜனாதிபதியின் வழக்கறிஞர்கள் நீதவானிடம் அவரை முன்னிலைப்படுத்தி, பிணை கோருவதற்கும் சில நாட்கள் அவகாசத்தை அளித்திருக்கலாம். அவ்வாறன்றி,திட்டமிட்டவகையில்&nbsp;அவரை&nbsp;அவமானப்படுத்தும் விதத்தில் மேற்கொள்ளப்பட்ட நடவடிக்கைகளைத் தான் நாங்கள் எதிர்த்தோம். சட்டத்தின் முன் அனைவரும் சமம் என்ற கோட்பாட்டிற்குநாங்கள் எதிரானவர்கள் அல்லர்.&nbsp;&nbsp; &nbsp;இந்த விருப்பத்தெரிவு நிர்வாகக் கட்டமைப்பின் ஓர் அங்கமாக இயங்கிவரும்&nbsp;குற்றப் புலனாய்வுத் திணைக்களத்திடம் இருக்கத்தக்கதாக, அவரது வாக்குமூலத்தைப் பதிவு செய்த உடனேயே அவரைக் கைது செய்ததன் மூலம் அவர்கள் தங்கள் துணிச்சலை வெளிக்காட்ட&nbsp;எதிர்வினையாற்றியிருக்கின்றனர். அவரை உடனடியாகக் கைது செய்ய அவர்கள் அவசரப்பட்டது தேவையற்றது என்றுதான் நான் கூறியிருந்தேன்.&nbsp; அது முற்றிலும் நிர்வாக ரீதியான விருப்பத் தெரிவு. நீதித்துறையின் முடிவு அல்ல.&nbsp;நீதிமன்றத்தைக் குறை கூறுவதைத் தவிர்க்க, அவசியமான தெளிவுடன் நான் அதனை குறிப்பிட்டிருந்தேன். &nbsp;காவல்துறைக்குள்ள&nbsp;இவ்வாறான விருப்பத் தெரிவுகளை சரிவரப் புரிந்து கொள்ளாதவர்கள்,முன்னர் பிணை வழங்காததற்காக நான் நீதித்துறையை விமர்சித்ததாகப் பொருள்பட கருதியிருக்கின்றனர். நான் அவ்வாறு&nbsp;சொல்லவில்லை என்பது&nbsp;மிகவும் தெளிவான விஷயமாகும் என்றுள்ளது.

தனது கருத்துக்கு தவறான தலைப்பு - ஹக்கீம் விசனம்

தனது கருத்துக்கு தவறான தலைப்பு - ஹக்கீம் விசனம்

You may also like