வவுனியா - தாண்டிக்குளம் ரயில் நிலையத்திற்கு அருகாமையில் ரயிலுடன் முச்சக்கர வண்டி ஒன்று மோதுண்டதில் பெண் ஒருவர் சம்பவ இடத்திலேயே உயிரிழந்தனர். சம்பவத்தில் முச்சக்கரவண்டியின் சாரதி படுகாயமடைந்துள்ளார். கொழும்பிலிருந்து யாழ்ப்பாணம் நோக்கிப் பயணித்த கடுகதி ரயில், இன்று தாண்டிக்குளம் பகுதியைச் கடந்துகொண்டிருந்த போது, அங்குள்ள பாதுகாப்பற்ற ரயில் கடவையைக் கடக்க முயன்ற முச்சக்கரவண்டியுடன் மோதி விபத்துக்குள்ளானது. ரயிலுடன் மோதிய வேகத்தில் முச்சக்கரவண்டி பலத்த சேதமடைந்துள்ளது. விபத்தில் தரணிக்குளம் பகுதியைச் சேர்ந்த 75 வயதுடைய பெண் ஒருவரே உயிரிழந்தார். பாதுகாப்பற்ற தொடருந்து கடவைகளில் தொடர்ச்சியாக இவ்வாறான விபத்துக்கள் இடம்பெற்று வருகின்றமை குறிப்பிடத்தக்கது.

தாண்டிக்குளத்தில் முச்சக்கர வண்டி ரயிலுடன் மோதி விபத்து

தாண்டிக்குளத்தில் முச்சக்கர வண்டி ரயிலுடன் மோதி விபத்து

You may also like