துணை விமானியின் தாக்குதலில் கண்பார்வை மங்கிய போதிலும், முழு பலத்தையும் திரட்டி விமானி அறையின் கதவை திறந்து பயணிகளை காப்பாற்றியதாக இந்திய விமானி ஸ்மித் மச்சார் தெரிவித்துள்ளார். டுபாயில் இருந்து 174 பயணிகளுடன் டெல் அவிவ் நோக்கி சென்ற பிளைதுபாய் விமானத்தில் கடந்த 30ஆம் திகதி இந்த சம்பவம் இடம்பெற்றுள்ளது. விமானம் 34 ஆயிரம் அடி உயரத்தில் பறந்துகொண்டிருந்தபோது, துணை விமானி கத்தியால் தாக்கியதுடன், விமானத்தை தரையில் மோதச் செய்ய முயன்றதாக தெரிவிக்கப்பட்டுள்ளது. தாக்குதலில் காயமடைந்த விமானி ஸ்மித் மச்சார், பார்வை மங்கிய நிலையிலும் விமானி அறையின் கதவை திறக்க முயன்றுள்ளார். ஆரம்பத்தில் துணை விமானி கதவை தடுத்தபோதிலும், முழு பலத்தையும் பயன்படுத்தி கதவை திறந்ததாக அவர் தெரிவித்துள்ளார். இதையடுத்து பயணிகள் விமானி அறைக்குள் சென்று துணை விமானியை கட்டுப்படுத்தியுள்ளனர். பின்னர் விமானம் சவூதி அரேபியாவின் தபூக் விமான நிலையத்தில் அவசரமாக தரையிறக்கப்பட்டதுடன், விமானத்தில் இருந்த 182 பேரும் உயிர் தப்பியுள்ளனர். தாக்குதலில் காயமடைந்த ஸ்மித் மச்சார் தற்போது அபுதாபி மருத்துவமனையில் சிகிச்சை பெற்று வருகிறார். அவருடன் பிரதமர் நரேந்திர மோடி தொலைபேசி மூலம் தொடர்புகொண்டு, பயணிகளின் உயிரைக் காப்பாற்றியதற்காக பாராட்டு தெரிவித்ததாகவும் குறிப்பிடப்பட்டுள்ளது. இதேவேளை, சம்பவம் தொடர்பில் துணை விமானி கைது செய்யப்பட்டுள்ளதுடன், அமீரக அரசு சிறப்பு புலனாய்வுக் குழுவை அமைத்து விசாரணைகளை முன்னெடுத்து வருகிறது.

தாக்குதலுக்கு மத்தியிலும் அறை கதவை திறந்த விமானி

தாக்குதலுக்கு மத்தியிலும் அறை கதவை திறந்த விமானி

You may also like