சர்வஜன அதிகாரத்தின் தேசிய அமைப்பாளர் திலும் அமுனுகமவுடன் நாவலப்பிட்டி தொகுதியின் ஸ்ரீலங்கா பொதுஜன பெரமுனவின் முன்னாள் அமைப்பாளர் கே.எல்.ஏ.குணசிங்க உள்ளிட்ட தொகுதிப் பிரதிநிதிகள் குழுவொன்று இணைந்துள்ளது. இக்குழுவினர் இன்று (09) நாவலப்பிட்டியிலுள்ள தனியார் மண்டபம் ஒன்றில் விசேட சந்திப்பொன்றை நடத்தியதாக தெரிவித்துள்ளனர். அனைத்துக் கட்சிகளும் தற்போது அதிக வாக்கு வங்கியிலிருந்து குறைந்த வாக்கு வங்கிக்குச் சரிந்துள்ள போதிலும், சர்வஜன அதிகாரம் மட்டுமே பூஜ்ஜியத்திலிருந்து தொடங்கி தற்போது மிகவும் வலுவான ஒரு வாக்கு வங்கியை கட்டியெழுப்பியுள்ளது என்று சர்வஜன அதிகாரத்தின் தேசிய அமைப்பாளர் திலும் அமுனுகம தெரிவித்துள்ளார். இக்குழுவினரின் இணைப்பைத் தொடர்ந்து ஊடகங்களுக்குக் கருத்து தெரிவிக்கும் போதே அவர் இதனை தெரிவித்துள்ளார். தொடர்ந்து கருத்து தெரிவிக்கையில், மகாநாயக்க தேரர்களின் எதிர்ப்பு மத்தியிலும், நீதிபதிகளின் பதவிக் காலத்தை நீடிக்கும் வர்த்தமானி அறிவித்தலை வெளியிட்டமையானது, தற்போதைய அரசாங்கத்தின் சர்வாதிகாரப் போக்கை தெளிவாக எடுத்துக்காட்டும் ஒரு சந்தர்ப்பமாகும் என்றும் அவர் சுட்டிக்காட்டினார்.&nbsp; இதேவேளை, சிறைச்சாலைகளில் ஏற்படும் மோதல்களுக்கு எதிர்க்கட்சியே நேரடியாகக் காரணம் என குற்றச்சாட்டுகள் சுமத்தப்படுமானால் நாட்டிற்கு அரசாங்கம் ஒன்று தேவையில்லை எனக் குறிப்பிட்டுள்ளார்.&nbsp; மேலும், கலந்துரையாடலின் பின்னர் கருத்துத் தெரிவித்த கே.எல்.ஏ.குணசிங்க, தானும் தனது குழுவினரும் 'சர்வஜன அதிகாரத்துடன் உத்தியோகபூர்வமாக இணைந்து செயல்படவுள்ளதை உறுதிப்படுத்தினார்.

நாவலப்பிட்டியில் பலம் பெறும் சர்வஜன அதிகாரம்! பின்னணியில் மொட்டுக் கட்சி

நாவலப்பிட்டியில் பலம் பெறும் சர்வஜன அதிகாரம்! பின்னணியில் மொட்டுக் கட்சி

You may also like