கடந்த மார்ச் 3 ஆம் திகதி முதல் நேற்று வரை சட்டவிரோதமான முறையில் எரிபொருளைச் சேமித்து வைத்திருந்த 31 பேர் கைது செய்யப்பட்டுள்ளதாக பொலிஸார் தெரிவித்தனர்.&nbsp; கடந்த ஒரு மாத காலமாக நாடளாவிய ரீதியில் முன்னெடுக்கப்பட்ட விசேட சோதனை நடவடிக்கைகளின் போதே குறித்த கைது சம்பவங்கள் பதிவானதாக பொலிஸ் ஊடகப் பேச்சாளர், உதவிப் பொலிஸ் அத்தியட்சகர் எஃப்.யு. வூட்லர் இதனை தெரிவித்துள்ளார். இந்த சோதனை நடவடிக்கைகளின் போது மொத்தம் 52,000 லீற்றருக்கும் அதிகமான எரிபொருள் பொலிஸாரால்; பொறுப்பேற்கப்பட்டுள்ளது. அதன்படி டீசல் 47,006 லீற்றர், பெற்றோல் 2,668 லீற்றர், மண்ணெண்ணெய் 2,706 லீற்றர் கைப்பற்றப்பட்டுள்ளன. உலகளாவிய எரிசக்தி நெருக்கடிக்கு மத்தியில், எரிபொருளைச் சட்டவிரோதமாக பதுக்கி வைத்து பொதுமக்களுக்கு இடையூறு விளைவிப்பவர்களைக் கண்டறியும் நோக்கில் பொலிஸ் மா அதிபரின் பணிப்புரைக்கு அமைவாக இந்தச் சோதனைகள் முன்னெடுக்கப்பட்டுள்ளதாக பொலிஸ் ஊடகப் பேச்சாளர், உதவிப் பொலிஸ் அத்தியட்சகர் எஃப்.யு. வூட்லர் தெரிவித்துள்ளார்.

எரிபொருளை பதுக்கி வைத்த 31 பேர் கைது

எரிபொருளை பதுக்கி வைத்த 31 பேர் கைது

You may also like