டுபாயில் தலைமறைவாகியிருந்ததாகக் கூறப்படும் ‘கொண்ட ரஞ்சி’, ‘எல்டோ தர்மே’, ‘பஸ் லலித்’ மற்றும் ‘வனாத்தே சத்து’ ஆகிய நான்கு இலங்கை குற்றவாளிகள் கைது செய்யப்பட்டுள்ளதாக டுபாய் பாதுகாப்புப் படையினர் இலங்கை பாதுகாப்புப் பிரிவினருக்கு உத்தியோகபூர்வமாக அறிவித்துள்ளனர். இவர்களில் கடந்த ஆண்டு டுபாயில் கைது செய்யப்பட்ட ‘பஸ் லலித்’ என்பவரை எதிர்வரும் திங்கட்கிழமை (24) இலங்கைக்கு அழைத்து வருவதற்காக சிறப்பு பொலிஸ் குழுவொன்று டுபாய் சென்றுள்ளதாக பொலிஸார் தெரிவித்துள்ளனர். ‘கொண்ட ரஞ்சி’ முன்னாள் அமைச்சர் மங்கள சமரவீரவின் தனிப்பட்ட செயலாளரை கொலை செய்ய முயன்றதாகவும், ‘எல்டோ தர்மே’ டெஸ்ட் கிரிக்கெட் அணித் தலைவர் தனஞ்சய டி சில்வாவின் தந்தையை கொலை செய்ததாகவும் குற்றச்சாட்டுகளை எதிர்கொண்டுள்ளனர். ‘வனாத்தே சத்து’ பொரளை வனாதமுல்ல பகுதியில் பல கொலைகளுடன் தொடர்புடையவர் என குற்றம் சுமத்தப்பட்டுள்ளது. இலங்கை குற்றப் புலனாய்வுத் திணைக்களம், மத்திய குற்றப் புலனாய்வுப் பிரிவு மற்றும் அரச புலனாய்வுச் சேவை ஆகியன டுபாய் பாதுகாப்புப் படையினருடன் இணைந்து மேற்கொண்ட நடவடிக்கையில் ‘பஸ் லலித்’ கைது செய்யப்பட்டுள்ளார்.&nbsp; ஹங்வெல்ல பகுதியில் கப்பம் கோரியமை மற்றும் பல கொலைகளுடன் தொடர்புடைய குற்றச்சாட்டுகள் அவருக்கு எதிராக முன்வைக்கப்பட்டுள்ளதாக பொலிஸார் தெரிவித்துள்ளனர்.

டுபாயில் தலைமறைவாகியிருந்த 4 குற்றவாளிகள் கைது

டுபாயில் தலைமறைவாகியிருந்த 4 குற்றவாளிகள் கைது

You may also like