அதிக விலைக்கு விற்பனை செய்யும் நோக்கில் பிரிகேபலின் (Pregabalin) வகையைச் சேர்ந்த 1,270 மாத்திரைகளைக் கொண்டு சென்றதாகக் கூறப்படும் ஓய்வுபெற்ற வைத்தியர் ஒருவர் உட்பட இருவரை மிதிகம பொலிஸார் கைது செய்துள்ளனர். கைது செய்யப்பட்டவர்களில் 70 வயதுடைய ஓய்வுபெற்ற வைத்தியர் ஒருவரும், 30 வயதுடைய தனியார் நிறுவனப் பொருள் விநியோகஸ்தர் ஒருவரும் அடங்குவதாகப் பொலிஸார் தெரிவித்துள்ளனர்.&nbsp; ஓய்வுபெற்ற வைத்தியர் எல்பிட்டிய பகுதியில் தனியார் மருத்துவ நிலையமொன்றையும் நடத்தி வருவதாகத் தெரிவிக்கப்படுகிறது. விசாரணைகளின்படி, வைத்தியரின் உத்தியோகபூர்வ அடையாள அட்டையைப் பயன்படுத்தி மாத்தறை மாவட்டத்திலுள்ள மருந்தகங்களில் இருந்து குறித்த மாத்திரைகள் கொள்வனவு செய்யப்பட்டுள்ளதாகக் கூறப்படுகிறது.&nbsp; பின்னர் அவற்றை எல்பிட்டிய பகுதிக்குக் கொண்டு சென்று அதிக விலைக்கு விற்பனை செய்யத் திட்டமிட்டிருந்ததாக ஆரம்பகட்ட விசாரணைகளில் தெரியவந்துள்ளது. அங்கீகரிக்கப்பட்ட வைத்தியரின் பரிந்துரைப் பத்திரம் இன்றி இந்த மாத்திரைகளைப் பெற்றுக்கொள்ள முடியாது எனத் தெரிவிக்கப்படுகிறது. சந்தேகநபர்களிடமிருந்து 1,270 மாத்திரைகள் மற்றும் மோட்டார் வாகனம் என்பன பொலிஸாரால் கைப்பற்றப்பட்டுள்ளன. கைது செய்யப்பட்ட இருவரும் இன்று (09) மாத்தறை நீதிமன்றத்தில் முன்னிலைப்படுத்தப்படவுள்ளனர்.

அபாயகரமான போதை மாத்திரைகளுடன் இருவர் கைது!

அபாயகரமான போதை மாத்திரைகளுடன் இருவர் கைது!

You may also like