அங்குருவத்தோட்டம், பெதிகமுவ கண்ட பகுதியில் கூர்மையான ஆயுதத்தால் மேற்கொள்ளப்பட்ட தாக்குதலில் 37 வயதுடைய நபர் ஒருவர் உயிரிழந்துள்ளார். ஹல்டோட்டா பகுதியைச் சேர்ந்த உயிரிழந்த நபர் நேற்று (18) இரவு தனது தாயைத் தாக்கிக்கொண்டிருந்தபோது, அவரைத் தடுக்க முயன்ற அவரது 35 வயதுடைய தம்பி அரிவாளால் தாக்கியுள்ளார். இந்தத் தாக்குதலில் காயமடைந்த தாய் ஹொரணை மாவட்ட பொது மருத்துவமனையில் சேர்க்கப்பட்டுள்ளதுடன் தம்பியின் தாக்குதலுக்குள்ளானவர் உயிரிழந்துள்ளார். உயிரிழந்தவர் மதுபோதையில் அடிக்கடி வீட்டில் சண்டை மற்றும் மோதல்களில் ஈடுபட்டு வந்ததாக விசாரணைகளில் தெரியவந்துள்ளதாக பொலிஸார் தெரிவித்துள்ளனர். மேலும், உயிரிழந்தவர் முன்னதாக தனது தந்தையையும் தாக்கியுள்ளதாகவும், அந்தச் சம்பவத்தில் ஏற்பட்ட காயங்களுக்காக அவரது தந்தையும் ஹொரணை மருத்துவமனையில் சிகிச்சை பெற்றுள்ளதாகவும் தெரிவிக்கப்பட்டுள்ளது. சம்பவம் தொடர்பில் உயிரிழந்தவரின் 35 வயதுடைய தம்பி சந்தேகத்தின் பேரில் கைது செய்யப்பட்டுள்ளார். சம்பவம் தொடர்பான மேலதிக விசாரணைகளை அங்குருவத்தோட்ட பொலிஸார் மேற்கொண்டு வருகின்றனர்.

அங்குருவத்தோட்டத்தில் தம்பியின் தாக்குதலில் அண்ணன் உயிரிழப்பு

அங்குருவத்தோட்டத்தில் தம்பியின் தாக்குதலில் அண்ணன் உயிரிழப்பு

You may also like