36 நாட்களுக்கும் மேலாக வங்காள விரிகுடா கடலில் தத்தளித்த நிலையில் இருந்த இலங்கை மீனவர்கள் இருவர், பங்களாதேஷின் கொக்ஸ் பாசார் மாவட்டம் மஹேஷ்காலி பகுதியைச் சேர்ந்த மீனவர்களால் உயிருடன் மீட்கப்பட்டுள்ளனர். கடந்த 23ஆம் திகதி இரவு 10.00 மணியளவில், வங்காள விரிகுடாவின் சோனாசார் பகுதிக்கு அருகில் மிதந்து கொண்டிருந்தபோது பங்களாதேஷ் மீனவர்கள் அவர்களை கண்டுபிடித்து, தமது படகில் ஏற்றி மஹேஷ்காலி கடற்கரைக்கு பாதுகாப்பாக அழைத்து வந்துள்ளனர். மீட்கப்பட்டவர்கள் இலங்கையின் தெவிநுவர பகுதியைச் சேர்ந்த 51 வயதுடைய எஸ்.எச். சமிந்த மற்றும் அவரது 30 வயதுடைய மகன் என அடையாளம் காணப்பட்டுள்ளனர். உணவு மற்றும் குடிநீர் இன்றி 36 நாட்களுக்கும் மேலாக கடலில் தத்தளித்த அவர்கள், மீன்களை உணவாக உட்கொண்டு உயிர் தப்பியதாகத் தெரிவிக்கப்பட்டுள்ளது. இவர்கள் எவ்வாறு கடலில் தத்தளித்தனர் மற்றும் உண்மையில் 36 நாட்கள் வங்காள விரிகுடாவில் கழித்தார்களா என்பது குறித்து பங்களாதேஷ் அதிகாரிகள் மேலதிக விசாரணைகளை மேற்கொண்டு வருகின்றனர். அதேவேளை, இந்தச் சம்பவம் தொடர்பில் இலங்கை அதிகாரிகளுக்கு தகவல் தெரிவித்து, அவர்களுடன் தொடர்பு ஏற்படுத்துவதற்கான நடவடிக்கைகளும் முன்னெடுக்கப்பட்டு வருவதாக பங்களாதேஷ் பொலிஸார் தெரிவித்துள்ளனர்.

36 நாட்கள் கடலில் தத்தளித்த இலங்கை மீனவர்கள் பங்களாதேஷில் மீட்பு

36 நாட்கள் கடலில் தத்தளித்த இலங்கை மீனவர்கள் பங்களாதேஷில் மீட்பு

You may also like