மட்டக்களப்பில் முச்சக்கரவண்டி சாரதியொருவருக்கு மயக்க மருந்து கொடுத்து அவரின் தங்க நகைகள், கையடக்கத் தொலைபேசி, பணம் ஆகியவை திருடப்பட்டுள்ள சம்பவம் ஒன்று பதிவாகியுள்ளது.&nbsp; நேற்று (27) பிற்பகல் வீட்டை விட்டு முச்சக்கரவண்டி தரிப்பிடத்துக்கு சென்ற சாரதி இரவு 11.00 மணியாகியும் வீடு திரும்பாததால் முச்சக்கரவண்டி சாரதியின் உறவினர்கள் பொலிஸ் நிலையத்தில் முறைப்பாடளித்துள்ளனர். இந்நிலையில் இன்று (28) வாழைச்சேனை பொலிஸ் பிரிவுக்குட்பட்ட ரிதி தென்னை காட்டுப் பகுதியை அண்டிய பகுதியில் முச்சக்கரவண்டியொன்றில் குறித்த சாரதியொருவர் தங்க ஆபரணங்கள், கையடக்கத் தொலைபேசி, பணம் ஆகியவை பறிமுதல் செய்யப்பட்டுள்ள நிலையில், சாரதி மயங்கி கிடப்பதை கண்டு பொலிஸாருக்கு தகவல் தெரிவிக்கப்பட்டதையடுத்து, அவர்கள் மயக்கத்தில் கிடந்த சாரதியை மீட்டு மட்டு போதனா வைத்தியசாலையில் சேர்த்துள்ளனர். குறித்த முச்சக்கரவண்டியை வாடகைக்கு அமர்த்தி அவருக்கு மயக்க மருந்து தெளித்து அவரின் ஒரு பவுண் தங்க மோதிரம், பணம், கையடக்கத் தொலைபேசியை கொள்ளையிட்டுவிட்டு, சாரதியை காட்டுப் பகுதியில் விட்டுவிட்டு தப்பியோடியுள்ளதாக பொலிஸாரின் முதற்கட்ட விசாரணையில் தெரிய வந்துள்ளது. சம்பவம் தொடர்பில் மேலதிக விசாரணைகள் மேற்கொள்ளப்பட்டு வருகின்றன. &nbsp;(கனகராஜா சரவணன்)&nbsp;

முச்சக்கரவண்டி சாரதிக்கு மயக்க மருந்து கொடுத்து தங்க நகை திருட்டு

முச்சக்கரவண்டி சாரதிக்கு மயக்க மருந்து கொடுத்து தங்க நகை திருட்டு

You may also like