நடப்பு ஆண்டின் இதுவரையான காலப்பகுதியில் 891 சட்டவிரோத துப்பாக்கிகள் பொலிஸாரால் கைப்பற்றப்பட்டுள்ளதாக அமைச்சரவை பேச்சாளர் அமைச்சர் கலாநிதி நளிந்த ஜயதிஸ்ஸ தெரிவித்துள்ளார்.&nbsp; அமைச்சரவை தீர்மானங்களை அறிவிக்கும் ஊடகவியலாளர் சந்திப்பில் கருத்துத் தெரிவிக்கும் போதே, அமைச்சர் இதனைக் குறிப்பிட்டார்.&nbsp; அங்கு மேலும் கருத்துத் தெரிவித்த அமைச்சர், இந்த ஆண்டின் ஜனவரி 01 ஆம் திகதி முதல் செப்டம்பர் 17 ஆம் திகதி வரை 14 (T-56) ரக துப்பாக்கிகள், 33 கைத்துப்பாக்கிகள் மற்றும் 25 ரிவோல்வர் ரக துப்பாக்கிகள் உட்பட மொத்தம் 891 துப்பாக்கிகள் பொலிஸ் அதிகாரிகளால் பொறுப்பேற்கப்பட்டுள்ளதாகக் கூறினார்.&nbsp; அத்துடன், கடந்த ஆண்டில் முன்னெடுக்கப்பட்ட சோதனைகளின் மூலம் 74 டி-56 ரக துப்பாக்கிகள் உட்பட மொத்தம் 2,404 துப்பாக்கிகள் அதிகாரிகளால் கைப்பற்றப்பட்டதாகவும் அமைச்சர் இங்கு சுட்டிக்காட்டினார்.&nbsp; வருடத்தின் தொடக்கத்திலிருந்து இதுவரை 35 ஒழுங்கமைக்கப்பட்ட துப்பாக்கிச் சூட்டுச் சம்பவங்கள் உட்பட மொத்தம் 40 சம்பவங்கள் பதிவாகியுள்ளதுடன் 22 பேர் உயிரிழந்துள்ளதாகவும் அமைச்சர் மேலும் தெரிவித்தார்.

891 சட்டவிரோத துப்பாக்கிகள் மீட்பு - அமைச்சர் நளிந்த தெரிவிப்பு

891 சட்டவிரோத துப்பாக்கிகள் மீட்பு - அமைச்சர் நளிந்த தெரிவிப்பு

You may also like