புகை பிடிப்பது நுரையீரல் நோய்கள், இதய நோய்கள், பாரிசவாதம், நீரிழிவு போன்ற நோய்களுக்கு தொடர்பிருப்பதாக மருத்துவ உலகம் கண்டறிந்துள்ளது. இந்தப் பொதுவான நோய்கள் தவிர, நேரடியாக புகை பிடிப்பதால் 12 வகையான புற்றுநோய்கள் நிச்சயமாக ஏற்படுமென்பது ‘புகை பிரியர்களுக்கு’ புதிய செய்தியாகும்.நோய்களைக் கட்டுப்படுத்தும் - தடுக்கும் ஆய்வுகளை நடத்துகின்ற CENTRE FOR DISEASE CONTROL &amp; PREVENTION என்ற மத்திய நிலையம் (CDCP) புகைத்தலால் ஏற்படும் 12 வகையான புற்றுநோய் களைப் பட்டியலிட்டு அறிவித்திருக் கின்றது. இவற்றைத் தனியாக அட்டவணையாகத் தந்திருக்கின்றேன். நீங்கள் ஒரு சிகரெட்டை புகைக்க தீ வைக்கும்போது உண்மையில் 7,000 வகையான இரசாயனப் பதார்த்தங்கள் செறிந்த ஒரு வெடிகுண்டின் திரியை பற்றவைக்கின்றீர்கள் என்பது உங்களுக்குப் புரிந்திருக்காது. இந்த 7,000 வகையான இரசாயன பதார்த்தங்களில் 69 வகையான பதார்த்தங்கள் உங்கள் உடல் உறுப்புகளில் ஏதாவதொரு கொடிய புற்றுநோயை உருவாக்கப் போகின்றது என்பதும் உங்களுக்குப் தெரிந்திருக்காது. எப்படி இந்த இரசாயனங்கள் இந்த 12 வகையான புற்றுநோய்களை உருவாக்குகின்றன என்பதை கொஞ்சம் விளக்கமாக அறிய முயல்வோம். நமது உடலிலுள்ள ஒவ்வொரு கலங்களிலும் DNA என்கின்ற மரபணுக்கள் உள்ளன. இந்த மரபணுக்கள் கலங்களின் தொழிற்பாடுகளை முன்னெடுக்கின்றன. சாதாரணமாக, கலங்கள் தமது செயற்பாடுகள் முடிவுற்ற பின் அவற்றின் வாழ்க்கை வட்டம் நிறைவேறி விடுகின்றது. சிகரெட் மற்றும் புகையிலையிலுள்ள இரசாயனங்கள், கலங்களை இறக்கவிடுவதில்லை. கலங்கள் ‘சாகாவரம்’ பெற்று தங்களைப்போல் நிறைய - அதிகமான கலங்களைப் பிரதி செய்கின்றன. நாங்கள் PHOTOCOPY பண்ணுவதுபோல் பல்லாயிரக்கணக்கில் கலங்கள் பிரதி செய்யப்படுகின்றன. அதேபோல், புகைப்பழக்கத்தால் உடலின் கலங்கள் அழற்சியுற்று (INFLAMATION) வீக்கமடைகின்றன. இந்த வீக்கத்தைக் குணப்படுத்த ANTI OXIDANTS என்ற இரசாயனப் பொருளை உடல் உருவாக்குகின்றது. இந்த ANTI OXIDANTS உடலின் கலங்களைப் பாதிக்கும்&nbsp;FREE RADICALS களை அகற்ற உதவுகின்றது. புகைப் பழக்கத்தால் இந்த ANTI OXIDANTS உடலில் குறைந்து புற்றுநோயை ஏற்படுத்தும் CARCINOGENS புற்றுநோய்க் காரணிகளை எதிர்க்கும் சக்தியை இழக்கின்றது. புகைத்தலால் உடலில் உருவாகின்ற இரசாயனங்களை - உடற்கலங்களை கட்டுப்பாடு இல்லாமல் பெருக்குவதும், கலங்களில்&nbsp;வீக்கத்தை உருவாக்கி அவற்றை புற்றுநோய் ஏற்படுவதற்கு ஏதுவானவையாக மாற்றுவதுமான பணிகளைச் செய்கின்றன. நாம் ஒவ்வொரு தடவையும் புகைக்கின்றபோது 7,000 வகையான இரசாயனப் பதார்த்தங்களை இரத்தத்தில் கலக்கின்றோம். இதில் குறைந்தது 69 இரசாயனப் பதார்த்தங்கள் புற்றுநோய்களை ஏற்படுத்த வல்லவை. நீங்கள் புகைக்கும்போது உங்கள் நுரையீரல் முழுவதையும் புகையால் குளிப்பாட்டுகின்றீர்கள் என்பதை நினைவிற்கொள்ளுங்கள். புகைப்பதனால் உடலினுள் வெளியேற்றப்படுகின்ற இந்த இரசாயன விஷங்கள் நேரடியாக முதலில் தாக்குவது நுரையீரலோடு தொடர்புடைய உடல் உறுப்புகளையே. இதன் காரணமாகத்தான் புகை பிடிப்பவர்களில் சுவாசப் புற்றுநோயால் மரணமடைபவர்கள் புகைக்காதவர்களை விட 30 மடங்கு அதிகம் என்று அறியப்பட்டுள்ளது.&nbsp;வாய், தொண்டை மூலமாகவே புகை நுரையீரலை அடைவதால் இந்த உறுப்புகளும் புற்றுநோய்க்கு ஆளாக்கப்படுகின்றன. புற்றுநோய்க் காரணிகளான&nbsp;இந்த இரசாயனங்கள் கல்லீரல், கணையம் போன்ற உறுப்புகளுக்கு இரத்த ஓட்டம் மூலம் எடுத்துச்செல்லப்படுகின்றன. சிறுநீரகத்தில் இரத்தம் வடிகட்டப்படும்போது இந்தப் புற்றுநோய்க் காரணிகள் சிறுநீரில் கழிகின்றன. இதனால் சிறுநீரகம், சிறுநீர்ப்பை என்ற உறுப்புகளிலும் புற்றுநோய் உருவாகின்றது. ஆனால்,&nbsp;மார்பகப் புற்றுநோய் ஆண்களின் புரஸ்டேட் (PROSTATE) சுரப்பி என்பவற்றில் ஏற்படும் புற்றுநோய்களுக்குப் புகை பிடித்தல் காரணமாக இருப்பதில்லை. புகைப் பிரியர்கள் தமது புகை பிடிக்கும் பழக்கத்தால் தாம் வாழும் சூழலையும் மாசடையச் செய்கின்றார்கள். இந்தப் புகை நேரடியாக அப்பாவி மனிதர்களையும் ஆபத்துக்குள்ளாக்குகிறது. ஓர் ஆய்வின்படி அறியப்பட்ட 1,27,000 நுரையீரல் புற்றுநோய்களில் 7,300 புற்றுநோயாளர்கள் தங்கள் வாழ்வில் ஒருதடவையாவது சிகரெட் புகைக்காதவர்கள். ஆனால், புகைப்பவர்களின் சூழலில் வாழ்ந்த அப்பாவிகள். இந்தத் தருணத்தில் புகையிலையை புகைப்பது மட்டும் புற்றுநோயைத் தராது. வெற்றிலை, சுண்ணாம்புடன் புகையிலையை சுவைப்பதும் புற்றுநோய்களைத் தரும் என்பதை நினைவிற்கொள்ளவும். எந்த இரசாயனங்கள் புகைப்பவர்களுக்கு புற்றுநோய்க் காரணிகளாக இருக்கின்றனவோ, அவையும் மேலதிகமாக TOBACCO SPECIFIC NITROSAMINES என்ற இரசாயனமும் வாய், களம், கணையம் போன்ற உறுப்புகளில் ஏற்படும் புற்றுநோய்களுக்குக் காரணமாகின்றன. இறுதியாக, புகைத்தல் பழக்கத்தை எப்படிக் கைவிடுவது? புகைப்பவர்கள் தாங்கள் புகைப்பது தமக்கும் தம் குடும்பத்து அங்கத்தவர்களுக்கும் சமூகத்துக்கும் அபாயமானது என்று அறிந்து முழு மனதோடு கைவிட்டாலொழிய, புகை பிடிக்கும் பழக்கத்தைக் கைவிடுவது எளிதல்ல என்பதை உணர்ந்துகொள்ள வேண்டும்.நீண்ட காலத்துக்கு புகைத்தலைக் கைவிட்டால், புற்றுநோய்கள் உடலில் குடிபுகும் வாய்ப்பு அதிகளவில் குறையுமென்று மருத்துவ ஆய்வுகள் தெரிவிக்கின்றன. 5 - 10 வருடங்கள் புகைப்பதை நிறுத்தினால், வாய், தொண்டை புற்றுநோய்கள் ஏற்படும் வாய்ப்பு பாதியாகக் குறைகிறது. 10 - 15 வருடங்கள் புகைப்பதை நிறுத்தினால், நுரையீரல் புற்றுநோய் ஏற்படுவது பாதியாகக் குறைகிறது. புகைப்பதென்பது ஒருவகை போதை உணர்வு. அதைக் கைவிடுவதற்கு மன உறுதியும் மற்றவர்களின் ஆதரவும் தேவை. டாக்டர்எஸ். அருள் இராமலிங்கம்

புகை பிடிப்பதால் ஏற்படும் 12 வகையான புற்றுநோய்கள்

புகை பிடிப்பதால் ஏற்படும் 12 வகையான புற்றுநோய்கள்

You may also like