கிளிநொச்சி மாவட்ட பொது வைத்தியசாலையில் மருத்துவ உத்தியோகத்தர் குடியிருப்பு வளாகம் நிர்மாணிப்பதற்கான அடிக்கல் நாட்டப்பட்டது. கிளிநொச்சி வைத்தியசாலையின் மருந்தகம் 150 மில்லியன் ரூபா நிதி ஒதுக்கீட்டில் விரைவில்&nbsp;நிர்மாணிக்கப்படவுள்ளதாக சுகாதார மற்றும் ஊடகத்துறை அமைச்சர் தெரிவித்துள்ளார். கிளிநொச்சி மாவட்ட பொது வைத்தியசாலையில் 230.64 மில்லியன் ரூபா நிதி ஒதுக்கீட்டில் நான்கு மாடிகளைக் கொண்ட மருத்துவ உத்தியோகத்தர் குடியிருப்பு வளாகத்தை நிர்மாணிப்பதற்கான அடிக்கல் நாட்டி, வடமாகாணத்தில் சுகாதார கட்டமைப்பை வலுப்படுத்தவும், மருத்துவ சேவையை விரிவுபடுத்தவும் நடவடிக்கை எடுக்கப்பட்டுள்ளது. கிளிநொச்சி மாவட்ட பொது வைத்தியசாலையில் வைத்திய உத்தியோகத்தர்களுக்கு போதிய தங்குமிடங்கள் இல்லாத காரணத்தினால் நீண்ட காலமாக மருத்துவ உத்தியோகத்தர்கள் மிகுந்த சிரமத்திற்கு உள்ளாகியிருந்த நிலையில், அதற்கு தீர்வாக கிளிநொச்சி மாவட்ட பொது வைத்தியசாலையில் இந்த புதிய வைத்திய அதிகாரிகள் குடியிருப்பு வளாகம் நிர்மாணிக்க திட்டமிடப்பட்டுள்ளது.&nbsp; இதன் கீழ், 48 மருத்துவ அதிகாரிகளுக்கான குடியிருப்பு வசதிகளை வழங்குவதற்காக உத்தியோகபூர்வ வீட்டுத் தொகுதி நிர்மாணிக்கப்படவுள்ளதுடன், 2027 ஆம் ஆண்டு ஜூலை மாதத்திற்குள் இந்த வளாகத்தின் நிர்மாணப் பணிகளை நிறைவு செய்வதற்கு அமைச்சு திட்டமிட்டுள்ளது. அடிக்கல்லை நாட்டி வைத்த பின்னர், வைத்தியசாலைக்கு விசேட கண்காணிப்புச் விஜயத்தை மேற்கொண்ட அமைச்சர், வைத்தியசாலையின் விசேட வைத்தியர்கள், வைத்தியர்கள், தாதி உத்தியோகத்தர்கள் உட்பட சகல சுகாதாரத் துறையினருடன் கலந்துரையாடினார். கிளிநொச்சி மாவட்ட பொது வைத்தியசாலையின் முதற்கட்ட நான்கு மாடி வைத்திய அதிகாரிகள் குடியிருப்பு வளாகத்தின் நிர்மாணப் பணிகளுக்காக வடமாகாண சபை 184 மில்லியன் ரூபாவை ஒதுக்கியுள்ளதாக வைத்திய அதிகாரிகளின் குடியிருப்பு கட்டிடத்திற்கு அடிக்கல் நாட்டும் நிகழ்வில் கலந்து கொண்டு உரையாற்றிய சுகாதார மற்றும் வெகுசன ஊடக அமைச்சர் நளிந்த ஜயதிஸ்ஸ தெரிவித்தார்.&nbsp; மேலும் 150 மில்லியன் ரூபா செலவில் இந்த வைத்தியசாலையில் மருந்து களஞ்சியசாலை நிர்மாணிப்பதற்கான கொள்வனவுப் பணிகள் தற்போது இடம்பெற்று வருவதாகவும் இதற்கு மேலதிகமாக எதிர்வரும் நாட்களில் பருத்தித்துறை மற்றும் சாவகச்சேரி ஆகிய இரு வைத்தியசாலைகளிலும் அபிவிருத்திப் பணிகள் ஆரம்பிக்கப்படவுள்ளதாகவும் அமைச்சர் தெரிவித்தார். வடமாகாணத்திற்கு 350 சுகாதார உதவியாளர்கள் நியமிக்கப்படவுள்ளதாகவும் மேலும் 50 சுகாதார உதவியாளர்கள் யாழ்.போதனா வைத்தியசாலைக்கு வழங்கப்படவுள்ளதாகவும் அமைச்சர் சுட்டிக்காட்டினார்.மேலும், சுகாதார சேவைகளுக்கு அத்தியாவசியமான அதிநவீன மருத்துவ உபகரணங்களை வழங்கும் வேலைத்திட்டத்தை அரசாங்கம் நடைமுறைப்படுத்தியுள்ளதாக வலியுறுத்தப்பட்டது. சுகாதாரத்துறையின் பௌதீக வளங்களை அபிவிருத்தி செய்யும் வேலைத்திட்டத்தின் கீழ், வடமாகாண ஆளுநரின் வழிகாட்டலின் கீழ், சுகாதார மற்றும் வெகுசன ஊடக அமைச்சர் நளிந்த ஜயதிஸ்ஸ அவர்களின் ஆலோசனை மற்றும் வழிகாட்டலின் கீழ் வடமாகாண சபையின் நிதியைப் பயன்படுத்தி இந்த நிர்மாணம் மேற்கொள்ளப்படுகிறது. இந்த அடிக்கல் நாட்டும் நிகழ்வில், மகாசங்கரத்னா, களுத்துறை மாவட்ட பாராளுமன்ற உறுப்பினர் நிபுணர் நிஹால் அபேசிங்க மற்றும் வடமாகாணத்தை பிரதிநிதித்துவப்படுத்தும் பாராளுமன்ற உறுப்பினர்கள், வடமாகாண ஆளுநர் நாகலிங்கம் வேதநாயகன், வடமாகாண பிரதம செயலாளர் தனுஜா முருகேசன், வடமாகாண சுகாதார சேவைகள் பணிப்பாளர் Dr.D.V.P.S. பத்திரன (Dr. V.P.S.D. Pathirana), கிளிநொச்சி மாவட்ட பொது வைத்தியசாலையின் பணிப்பாளர் மற்றும் பிரதிப் பணிப்பாளர், விசேட வைத்தியர்கள், வைத்தியர்கள் மற்றும் தாதி உத்தியோகத்தர்கள் கலந்து கொண்டனர்.

கிளிநொச்சி வைத்தியசாலையில் புதிய மருத்துவ உத்தியோகத்தர் குடியிருப்பு

கிளிநொச்சி வைத்தியசாலையில் புதிய மருத்துவ உத்தியோகத்தர் குடியிருப்பு

You may also like