அமெரிக்கா ஈரான் போரின் காரணமாக இலங்கைக்கு ஒருவாரத்துக்கு 1,015 மில்லியன் அமெரிக்க டொலர் (310 கோடி ரூபா வரையில்) தேயிலை ஏற்றுமதி வருமான இழப்பு ஏற்பட்டுள்ளதாக ஐக்கிய நாடுகள் சபையின் அபிவிருத்தி வேலைத்திட்டம் வெளியிட்டுள்ள புதிய அறிக்கையில் தெரிவிக்கப்பட்டுள்ளது. ஈரான் யுத்தத்தின் காரணமாக ஹோர்முஸ் நீரிணை மூடப்பட்டமை மற்றும் மத்திய கிழக்கு விமான போக்குவரத்து எல்லை வரையறுக்கப்பட்டமை காரணமாக அதிக அச்சுறுத்தல் ஏற்படும் நாடுகளுக்கிடையில் இலங்கை முக்கிய இடம் வகிப்பதாக ஐக்கிய நாடுகள் சபையின் அபிவிருத்தி வேலைத்திட்டம் வெளியிட்டுள்ள அறிக்கையில் உறுதிபடுத்தப்பட்டுள்ளது. 36 ஆசிய மற்றும் பசுபிக் வலய நாடுகளை அடிப்படையாகக் கொண்டு இந்த அறிக்கை தயாரிக்கப்பட்டுள்ளது. இதனால் அதிக பாதிப்பு தெற்காசிய நாடுகளுக்கு ஏற்பட்டுள்ளதாகவும் ஈரான் போர் காரணமாக தெற்காசியாவின் பொருளாதாரத்துக்கு 183 பில்லியன் அமெரிக்க டொலர் நட்டம் ஏற்படலாம் எனவும் அந்த அறிக்கையில் சுட்டிக்காட்டப்பட்டுள்ளது. அதேபோன்று அமெரிக்கா ஈரான் போர் காரணமாக நாட்டுக்கு கிடைக்கும் வெளிநாட்டு நிதி அனுப்பும் செயன்முறை எச்சரிக்கை நிலையை சந்தித்துள்ளது என்றும் கடந்த வருடம் வெளிநாட்டு வேலைவாய்ப்புக்காக சென்றுள்ள இலங்கையர்கள் 80.2 சதவீதமானவர்கள் தொழில்வாய்ப்புக்காக மத்தியக் கிழக்கு நாடுகளுக்கே சென்றுள்ளதாகவும் அந்த அறிக்கை கூறுகிறது. அந்த அறிக்கையில், வெளிநாடுகளில் இருக்கும் இலங்கையர்கள் ஒரு வருடத்துக்கு இலங்கைக்கு அனுப்பும் நிதி தொகை, நாட்டின் மொத்த தேசிய உற்பத்தி 6.8 சதவீதமென்றும் அதில் 2.7 சதவீதம் மத்திய கிழக்கு நாடுகளிலிருந்தே கிடைக்கப் பெறுகிறது. வளைகுடா வலயத்தில் தொழில் சந்தையில் நெருக்கடி ஏற்பட்டால் அதில் தொழிலுக்காக மத்திய கிழக்கு நாடுகளில் உள்ளவர்களின் வேலைவாய்ப்புகளுக்கு அச்சுறுத்தல் ஏற்படலாம். அதனூடாக அவர்களின் குடும்பத்தாருக்கு கிடைக்கும் நிதியில் குறைவு ஏற்படலாம். இதுனூடாக அவர்களின் உணவு பாதுகாப்பு, கல்வி என்பவற்றிலும் பாதிப்பை ஏற்படுத்தலாம். அதனூடாக அவர்கள் வறுமை நிலைமை சந்திக்கலாம். அதேபோல் மத்திய கிழக்கு விமான போக்குவரத்து வலயங்களினூடாக இயங்கும் நாடுகளின் சுற்றுலாத் துறைக்கு இந்தப் போர் நிலைமையினால் பெரும் அச்சுறுத்தல் ஏற்பட்டுள்ளது. அவ்வாறு பாதிப்புக்குள்ளான நாடுகளில் இலங்கை முதலிடம் பெற்றுள்ளது. கடந்த பெப்ரவரி மாதம் தினமொன்றுக்கு இலங்கைக்கு வருகை தந்த சுற்றுலா பயணிகளின் எண்ணிக்கை 9.976 சதவீதம் என்றும் அது கடந்த மார்ச் மாதம் முதலாம் திகதியிலிருந்து 08ஆம் திகதி வரையான காலப்பகுதியில் 5,956 வரையில் வீழ்ச்சியை சந்தித்துள்ளது. இது நூற்றுக்கு 40 சதவீத வீழ்ச்சியாகும். மொத்த தேசிய உற்பத்தியின் அடிப்படையில் இலங்கையின் அரச கடன் தொகை நூற்றுக்கு 101 சதவீதமாகும். ஈரான் போரின் காரணமான அந்த தொகை மேலும் உயர்வடைவதற்கான வாய்ப்புகளும் இருக்கின்றன. மனிதவள அபிவிருத்தி குறிகாட்டியில் நூற்றுக்கு 0.01 – 0.05 சதவீதத்துக்கு இடையிலான இழப்பு இலங்கைக்கு ஏற்படலாம். இலங்கையின் மொத்த சனத்தொகையில் 30,000 வரையிலானவர்கள் வறுமையில் இருக்கின்றனர். ஈரான் போரின் காரணமாக மேலும் 2,951 பேர் இந்தப் பட்டியலில் இணையலாம். மேலும், வளைகுடா சந்தைக்காக பிரவேச தடை இலங்கைக்கு ஏற்படும் அச்சுறுத்தல்கள் மேலும் அதிகரிக்காலம். அது இலங்கையின் உற்பத்தி செயற்பாடுகள் மற்றும் பயிர்செய்கையாளர்களின் வருமானத்திலும் பெரும் பாதிப்பை ஏற்படுத்தியுள்ளது. சர்வதேச உர வர்த்தகம் நூற்றுக்கு 30 சதவீதம் ஹோர்முஸ் நீரிணையினூடாகவே முன்னெடுக்கப்படுகிறது. அதில் அதிக இறக்குமதி ஆசிய பசுபிக் வலய நாடுகளே செய்கின்றன. அதன் காரணமாக ஹோர்முஸ் நீரிணை மூடப்பட்டதனூடாக ஆசிய பசுபிக் வலயங்களில் உணவு விலைக்கும் அச்சுறுத்தலை ஏற்படுத்தும். ஆசிய பசுபிக் வலய பொருளாதாரத்துக்கு 97,299 பில்லியன் அமெரிக்க டொலர் நட்டம் ஏற்படலாம். அதேபோல் ஆசிய பசுபிக் வலயத்திலுள்ள 14 நாடுகளில் 19 – 88 இலட்சம் வரையான மக்கள் ஈரான் யுத்தம் காரணமாக வறுமைநிலைமைக்கு தள்ளப்படும் ஆபத்து ஏற்பட்டுள்ளது. அதிக ஆபத்து சீனாவுக்கு ஏற்பட்டுள்ளது. 36 – 33 இடைப்பட்ட நாடுகளில் எரிபொருள் விலை ஈரான் போரின் காரணமாக அச்சுறுத்தலை சந்தித்துள்ளது. 35 26க்கு இடைப்பட்ட நாடுகளில் பொருள் போக்குவரத்து செலவு அதிகரித்துள்ளது. 36 22 இடைப்பட்ட நாடுகளில் உணவு மற்றும் உர விலை அதிகரிப்பதற்கான வாய்ப்பு காணப்படுவதாகவும் சுட்டிக்காட்டப்பட்டுள்ளது.

வளைகுடா போரால் தேயிலை ஏற்றுமதி பாதிப்பு

வளைகுடா போரால் தேயிலை ஏற்றுமதி பாதிப்பு

You may also like