பங்களாதேஷில் கடந்த ஓகஸ்ட் மாதம் நடைபெற்ற கலவரத்தில் கொலைக் குற்றச்சாட்டில் கிரிக்கெட் வீரர் ஷகிப் அல் ஹசன் பெயரும் இடம்பெற்றது. மாணவர்கள் போராட்டத்திற்கு முன்பு வரை ஆளுங்கட்சியின் பாராளுமன்ற உறுப்பினராக ஷகிப் அல் ஹசன் இருந்தார். ஆட்சி மாற்றம் ஏற்பட்ட பின்பு அவர் பங்களாதேஷ் திரும்பவில்லை. கலவரத்தின்போது கனடாவில் நடந்த குளோபல் டி20 லீக்கில் ஷகிப் அல் ஹசன் விளையாடிக் கொண்டிருந்தார். ஆட்சி மாற்றம் ஏற்பட்ட பின்பு வெளிநாடுகளில் நடக்கும் கிரிக்கெட் போட்டிகளில் மட்டுமே விளையாடி வரும் அவர் சொந்த நாட்டிற்கு திரும்பவில்லை. இந்நிலையில், கிரிக்கெட் வீரர் ஷகிப் அல் ஹசன், நாடு திரும்பினால் எந்த துன்புறுத்தலும் இருக்காது என அந்நாட்டு கிரிக்கெட் சபை உறுதி அளித்துள்ளது. இதனையடுத்து, அடுத்த மாதம் தென்னாப்பிரிக்காவுக்கு எதிரான டெஸ்ட் தொடருக்காக ஷகிப் அல் ஹசன் பங்களாதேஷ் திரும்ப உள்ளார் என்று சொல்லப்படுகிறது.

ஷகிப் நாடு திரும்பினால் எந்த தண்டனையும் இல்லை - பங்களாதேஷ் கிரிக்கெட் சபை உறுதி

ஷகிப் நாடு திரும்பினால் எந்த தண்டனையும் இல்லை - பங்களாதேஷ் கிரிக்கெட் சபை உறுதி

You may also like