தமிழக சட்டமன்ற தேர்தலில் திமுக அமைச்சர்கள் 14 பேர் முன்னிலை பெற்றுள்ளனர்.&nbsp;11 சுற்று வாக்குகள் எண்ணப்பட்ட நிலையில், கொளத்தூரில் முதல்வர் ஸ்டாலின் 8 ஆயிரம் வாக்குகள் பின்தங்கியுள்ளார். தமிழக சட்டப்பேரவைத் தேர்தல் வாக்கு எண்ணிக்கை நடைபெற்று வரும் நிலையில், திமுக அமைச்சர்கள் பெரும்பான்மையானோர் காலை முதலே பின்னடைவை சந்தித்தனர்.&nbsp; இருப்பினும் அடுத்தடுத்த சுற்றுகள் வாக்கு எண்ணிக்கையில் திமுக அமைச்சர்கள் சிலர் முன்னிலைப் பெற்றுள்ளனர். தமிழக முதல்வர் ஸ்டாலின் கொளத்தூர் தொகுதியில் 12 சுற்றுகள் வாக்கு எண்ணிக்கை முடிவில் 41,051 வாக்குகள் பெற்றுள்ளார்.&nbsp; தவெக வேட்பாளர் வி.எஸ்.பாபு 49,099 வாக்குகள் பெற்று 8048 வாக்குகள் முன்னிலையில் உள்ளார். தமிழக முதல்வர் தொடர்ந்து பின்னடைவை சந்தித்துவரும் நிலையில், சேப்பாக்கம் திருவல்லிக்கேணியில் உதயநிதி ஸ்டாலின், துறைமுகத்தில் சேகர்பாபு, ராணிப்பேட்டையில் காந்தி, ஒட்டன்சத்திரம் சக்கரபாணி, ஆத்தூரில் ஐ.பெரியசாமி, திருச்சி மேற்கில் கே.என்.நேரு, குன்னம் தொகுதியில் சிவசங்கர், திட்டக்குடியில் சி.வி.கணேசன், திருவிடைமருதூரில் கோவி.செழியன், திருமயத்தில் ரகுபதி, ஆலங்குடியில் சிவ.மெய்யநாதன், திருப்பத்தூரில் பெரியகருப்பன், திருச்சுழியில் தங்கம் தென்னரசு, திருச்செந்தூரில் அனிதா ராதாகிருஷ்ணன் ஆகியோர் முன்னிலையில் உள்ளனர். இதில் உதயநிதி, தங்கம் தென்னரசு, ரகுபதி உள்ளிட்ட அமைச்சர்கள் குறைவான வாக்குகள் வித்தியாசத்தில் முன்னிலையில் உள்ளனர். தமிழக சட்டப்பேரவைத் தேர்தலில் திமுக கூட்டணியே வெற்றிபெறும் என பல்வேறு கருத்துக் கணிப்புகள் வெளியான நிலையில், அனைத்து கட்சிகளுக்கும் ஷாக் கொடுக்கும் வகையில் விஜய்யின் தவெக பெரும்பான்மையான தொகுதிகளில் முன்னிலையில் உள்ளது. தற்போதைய நிலவரப்படி தவெக 107 தொகுதிகளிலும், அதிமுக கூட்டணி 64 தொகுதிகளில், திமுக கூட்டணி 63 தொகுதிகளிலும் முன்னிலையில் உள்ளது. தமிழக சட்டப்பேரவைத் தேர்தலுக்கான வாக்குப்பதிவு ஏப். 23ஆம் திகதியும் ஒரே கட்டமாக நடைபெற்றது.&nbsp;தமிழகத்தில் 85.10 சதவீத வாக்குகள் பதிவாகின. தமிழக சட்டப்பேரவைத் தேர்தலில் நான்கு முனைப்போட்டி நிலவியது. திமுக தலைமையிலான மதசார்பற்ற முற்போக்கு கூட்டணியில் காங்கிரஸ், தேமுதிக, விசிக, சிபிஎம், சிபிஐ, மதிமுக, கொமதேக, ஐயுஎம்எல், மமக உள்ளிட்ட கட்சிகள் இடம்பெற்றன. அதிமுக தலைமையிலான தேசிய ஜனநாயக கூட்டணியில் பாஜக, பாமக, அமமுக, தமாகா, ஐஜேகே உள்ளிட்ட கட்சிகள் இடம்பெற்றன. நாதக மற்றும் தவெக ஆகிய கட்சிகள் தனித்துப் போட்டியிட்டன. திமுக தலைமையிலான மதசார்பற்ற முற்போக்கு கூட்டணியில் திமுக 164 தொகுதிகளிலும், காங்கிரஸ் 28, தேமுதிக 10, விசிக 8, சிபிஎம் 5, சிபிஐ 5, மதிமுக 4, கொமதேக 2, ஐயுஎம்எல் 2, மமக 2, எஸ்டிபிஐ 1, மஜக 1, முக்குலத்தோர் புலிப்படை 1, தமிழர் தேசம் கட்சி 1 தொகுதிகளில் போட்டியிட்டன. அதிமுக தலைமையிலான தேசிய ஜனநாயக கூட்டணியில் அதிமுக 166 தொகுதிகளிலும், பாஜக 26 தொகுதிகளிலும், பாமக 18, அமமுக 11, தமாகா 4, ஐஜேகே 2, புரட்சி பாரதம் 1, புதிய நீதிக் கட்சி 1, தென்னிந்திய பார்வர்டு பிளாக் 1, சிங்கத் தமிழர் முன்னேற்ற கழகம் 1, தமிழ் மாநில பகுஜன் சமாஜ் 1 தொகுதிகளில் போட்டியிட்டன.

கொளத்தூரில் 8000 வாக்குகள் பின்தங்கியிருக்கும் ஸ்டாலின்

கொளத்தூரில் 8000 வாக்குகள் பின்தங்கியிருக்கும் ஸ்டாலின்

You may also like