முன்னாள் அமைச்சர் விமல் வீரவன்சவின் சகோதரரான சரத் வீரவன்ச, நிதிக்குற்றப் புலனாய்வுப் பிரிவினரால் கைது செய்யப்பட்டுள்ளார். அரச பொறியியல் கூட்டுத்தாபனத்திற்குச் சொந்தமான வாகனங்களை முறையற்ற விதத்தில் பயன்படுத்தியதாகக் கூறப்படும் சம்பவம் தொடர்பிலேயே அவர் கைது செய்யப்பட்டுள்ளார். இதனைத் தொடர்ந்து, கொழும்பு கோட்டை நீதவான் நீதிமன்றத்தில் முன்னிலைப்படுத்தப்பட்ட அவர், ஜூலை 22 ஆம் திகதி வரை விளக்கமறியலில் வைக்கப்பட்டுள்ளார். சட்டமா அதிபரின் ஆலோசனையின் பேரில் அவரை கைது செய்வதற்காக, கிடைத்த தகவலின் அடிப்படையில் பொலிஸ் அதிகாரிகள் அண்மையில் பாணந்துறை பகுதியில் உள்ள அவரது வீட்டிற்குச் சென்றிருந்தனர். இருப்பினும், அக்காலத்தில் சரத் வீரவன்ச வீட்டில் இருக்கவில்லை. அவர் கம்பஹா பகுதியில் இருப்பதாகக் கிடைத்த தகவலின் அடிப்படையில், நிதிக்குற்றப் புலனாய்வுப் பிரிவினர் இன்று (16) குறித்த இடத்திற்குச் சென்று அவரைக் கைது செய்துள்ளனர். பின்னர் அவர் நீதிமன்றத்தில் முன்னிலைப்படுத்தப்பட்டதையடுத்து, ஜூலை 22 ஆம் திகதி வரை அவரை விளக்கமறியலில் வைக்குமாறு நீதவான் உத்தரவிட்டார். நிதிக்குற்றப் புலனாய்வுப் பிரிவினர் இது தொடர்பான மேலதிக விசாரணைகளை மேற்கொண்டு வருகின்றனர்.

சரத் வீரவன்ச ஜூலை 22 ஆம் திகதி வரை விளக்கமறியலில்

சரத் வீரவன்ச ஜூலை 22 ஆம் திகதி வரை விளக்கமறியலில்

You may also like