ஹோமாகம பகுதியில் 500 மில்லிலீற்றர் குடிநீர் போத்தலை நிர்ணயிக்கப்பட்ட அதிகபட்ச சில்லறை விலையை விட அதிகமாக விற்பனை செய்த உணவக உரிமையாளருக்கு ரூபாய் 5 இலட்சம் அபராதம் விதிக்கப்பட்டுள்ளது. இந்த சம்பவம் தொடர்பில் காலவிலவத்த, ஹோமாகம பகுதியில் இயங்கி வரும் தனியார் நிறுவனமொன்றுக்கு எதிராக நுகர்வோர் விவகார அதிகாரசபையின் (CAA) அதிகாரிகள் ஹோமாகம நீதவான் நீதிமன்றத்தில் வழக்குத் தாக்கல் செய்திருந்தனர். அதிகாரிகள் மேற்கொண்ட சோதனையின்போது, அப்போது நடைமுறையில் இருந்த 2430/15 இலக்க வர்த்தமானி அறிவித்தலின் 93ஆம் கட்டளையின் கீழ், 500 மில்லிலீற்றர் உள்நாட்டில் பொதியிடப்பட்ட குடிநீருக்கான அதிகபட்ச சில்லறை விலை ரூ.70 ஆக நிர்ணயிக்கப்பட்டிருந்த நிலையில், அந்தப் போத்தல் ரூ.100க்கு விற்பனை செய்யப்பட்டமை கண்டுபிடிக்கப்பட்டது. கடந்த செப்டம்பர் 10ஆம் திகதி ஹோமாகம நீதவான் நீதிமன்றத்தில் வழக்கு விசாரணைக்கு எடுத்துக்கொள்ளப்பட்டபோது, குற்றச்சாட்டை நிறுவனம் ஒப்புக்கொண்டது. இதனையடுத்து, குறித்த நிறுவனத்திற்கு ரூ.5 இலட்சம் அபராதம் விதித்து நீதிமன்றம் உத்தரவிட்டது. இதேவேளை, 2026 ஜூன் 10ஆம் திகதி வெளியிடப்பட்ட 2492/29 இலக்க வர்த்தமானி அறிவித்தலின் 96ஆம் கட்டளையின் கீழ், தற்போது உள்நாட்டில் பொதியிடப்படும் PET குடிநீர் போத்தல்களுக்கான அதிகபட்ச சில்லறை விலைகள் பின்வருமாறு நிர்ணயிக்கப்பட்டுள்ளன, 500 முதல் 999 மில்லிலீற்றர் – ரூ.801 முதல் 1.499 லீற்றர் – ரூ.1201.5 முதல் 1.999 லீற்றர் – ரூ.1502 முதல் 2.499 லீற்றர் – ரூ.1805 முதல் 6.999 லீற்றர் – ரூ.400 நிர்ணயிக்கப்பட்ட அதிகபட்ச சில்லறை விலையை விட அதிகமாக குடிநீர் அல்லது ஏனைய பொருட்களை விற்பனை செய்யும் வர்த்தக நிலையங்கள் தொடர்பில், அலுவலக நேரங்களில் 1977 என்ற தொலைபேசி இலக்கத்தின் ஊடாக நுகர்வோர் விவகார அதிகாரசபைக்கு அறிவிக்குமாறும் பொதுமக்களிடம் கோரிக்கை விடுக்கப்பட்டுள்ளது.

நிர்ணய விலைக்கு அதிகமாக குடிநீர் போத்தல் விற்பனை - நீதிமன்றம் பிறப்பித்த உத்தரவு

நிர்ணய விலைக்கு அதிகமாக குடிநீர் போத்தல் விற்பனை - நீதிமன்றம் பிறப்பித்த உத்தரவு

You may also like