&nbsp;முன்னாள் பாராளுமன்ற உறுப்பினர் எஸ்.எம்.எம்.முஷாரப் முதுநபீன் சிறிலங்கா முஸ்லிம் காங்கிரஸில் உத்தியோகபூர்வமாக இணைந்து கொள்ளும் நிகழ்வு இன்று (25) சாய்ந்தமருதில் இடம்பெற்றது.&nbsp;&nbsp;&nbsp;சிறிலங்கா முஸ்லிம் காங்கிரஸ் தலைவரும் பாராளுமன்ற உறுப்பினருமாகிய ரவூப் ஹக்கீம் தலைமையில் இடம்பெற்ற இந்நிகழ்வில் பாராளுமன்ற உறுப்பினர் எம்.எஸ்.உதுமாலெப்பை உள்ளிட்ட கட்சியின் அம்பாறை மாவட்ட உயர்பீட உறுப்பினர்கள், முக்கியஸ்தர்கள் என பலரும் கலந்துகொண்டனர்.&nbsp;&nbsp;நாளை மறுதினம், 27 ஆம் திகதி வெள்ளிக்கிழமை பொத்துவில் பிரதேச சபை தவிசாளர் தெரிவு இடம்பெறவுள்ளது. இதில் முஷாரப் தவிசாளராக வேண்டும் என்ற நோக்கிலேயே இந்த இணைவு இடம்பெற்றது.&nbsp;&nbsp;&nbsp;கடந்த தேர்தல் காலங்களில் கட்சியையும், கட்சியின் சார்பாக களமிறங்கிய வேட்பாளர்களையும், கட்சியின் தலைமையையும்மிக மோசமான முறையில் விமர்சித்து வந்த முஷாரப்புடன் நாங்கள் ஒருபோதும் இணைந்து செயற்பட மாட்டோம் என்று முஸ்லிம் காங்கிரஸில் தெரிவாகிய 5 உறுப்பினர்களும் இந்நிகழ்வில் கலந்து கொள்ளாது தங்களின் எதிர்ப்பினை தெரிவித்துள்ளனர்.&nbsp;&nbsp;இந்நிலைமையை அறிந்தும் அறியாத மு.காவின் தலைவர் ரவூப் ஹக்கீம், பொத்துவில் பிரதேச சபைக்கு தெரிவாகிய முஸ்லிம் காங்கிரஸினுடைய 5 உறுப்பினர்களையும் பொத்துவில் பிரதேச சபையின் முன்னாள் தவிசாளர் அப்துல் வாஸித் மற்றும் மத்திய குழு உறுப்பினர்களையும் இன்றைய கூட்டத்திற்கு கட்டாயம் கலந்துகொள்ள வேண்டும் என்ற அழைத்திருந்த போதிலும் அனைவரும் இக்கூட்டத்தை புறக்கணித்துள்ளமை குறிப்பிடத்தக்கது.&nbsp;&nbsp;மீனோடைக்கட்டு செய்தியாளர்&nbsp;&nbsp;

மு.காவில் முஷாரப் இணைவு - எதிர்ப்பு தெரிவித்து நிகழ்வை புறக்கணித்த உறுப்பினர்கள்!

மு.காவில் முஷாரப் இணைவு - எதிர்ப்பு தெரிவித்து நிகழ்வை புறக்கணித்த உறுப்பினர்கள்!

You may also like