பாராளுமன்றத்தின் டிஜிட்டல் கட்டமைப்புகள் மீது சைபர் தாக்குதல் நடத்தப்படக்கூடிய அபாயம் நிலவுவதாக 2025ஆம் ஆண்டுக்கான பாராளுமன்ற வருடாந்த செயற்திறன் அறிக்கையில் தெரிவிக்கப்பட்டுள்ளது. இலங்கை கணினி அவசர பதிலளிப்பு மன்றத்தினால், குறித்த ஆண்டில் பாராளுமன்றத்தின் தகவல் மற்றும் சைபர் பாதுகாப்பு தொடர்பில் மதிப்பீடு ஒன்று மேற்கொள்ளப்பட்டுள்ளதாக அறிக்கையில் குறிப்பிடப்பட்டுள்ளது. அந்த மதிப்பீட்டில் பரிசீலிக்கப்பட்ட 56 பாதுகாப்பு விடயங்களில் 46 விடயங்கள் உயர் அபாய நிலையில் காணப்பட்டதாக தெரிவிக்கப்பட்டுள்ளது. சைபர் தொழில்நுட்பத்தை தவறாகப் பயன்படுத்தி டிஜிட்டல் அமைப்புகளுக்குள் சட்டவிரோதமாக நுழைதல், முக்கிய தகவல்களைத் திருடுதல், பாராளுமன்றத்தின் செயற்பாடுகளுக்கு இடையூறு விளைவித்தல், இணையதள உள்ளடக்கங்களை மாற்றியமைத்தல் மற்றும் நிறுவனத்தின் நற்பெயருக்கு பாதிப்பு ஏற்படுத்துதல் போன்ற அபாயங்கள் காணப்படுவதாக அறிக்கை சுட்டிக்காட்டியுள்ளது. எனவே, இந்த விடயம் தொடர்பில் உடனடி கவனம் செலுத்தி தேவையான பாதுகாப்பு நடவடிக்கைகளை மேற்கொள்ள வேண்டும் என கணக்காய்வு மூலம் அவதானிக்கப்பட்டுள்ளதாக பாராளுமன்ற வருடாந்த செயற்திறன் அறிக்கையில் குறிப்பிடப்பட்டுள்ளது.

பாராளுமன்ற டிஜிட்டல் கட்டமைப்புக்கு சைபர் தாக்குதல் அபாயம்

பாராளுமன்ற டிஜிட்டல் கட்டமைப்புக்கு சைபர் தாக்குதல் அபாயம்

You may also like