வலிந்து காணாமல் ஆக்கப்பட்டோருக்கான உண்மை, நீதி மற்றும் பொறுப்புக்கூறலைக் கோரும் தமிழ் தாய்மார்களின் அனைத்துலக மாநாட்டில் சர்வதேச இராஜதந்திரிகள் பங்கேற்கவுள்ளதுடன், காணாமல் ஆக்கப்பட்டோர் விவகாரம் தொடர்பான நூல்களும் வெளியிடப்படவுள்ளன. அனைத்துலக வலிந்து காணாமல் ஆக்கப்பட்டோர் தினம் எதிர்வரும் 30ஆம் திகதி அனுஷ்டிக்கப்படவுள்ள நிலையில், “நீதிக்கான நீள்பயணம்” என்ற தலைப்பில் இந்த மாநாடு யாழ்ப்பாணம் தந்தை செல்வா கலையரங்கில் காலை 9.30 மணி முதல் மாலை 4 மணி வரை நடைபெறவுள்ளது. வடக்கு, கிழக்கு வலிந்து காணாமல் ஆக்கப்பட்டோரின் உறவினர்கள் சங்கத்தின் ஏற்பாட்டில் நடைபெறவுள்ள மாநாடு தொடர்பில் தெளிவுபடுத்தும் ஊடக சந்திப்பு நேற்று யாழ். ஊடக அமையத்தில் நடைபெற்றது. இதன்போது, வலிந்து காணாமல் ஆக்கப்பட்டோர் விவகாரத்தை கையாள்வதற்கும் நீதியைப் பெற்றுத்தருவதற்கும் இலங்கை அரசிடம் நம்பகமான பொறிமுறைகள் இல்லை எனவும், தங்களுக்கு சர்வதேச விசாரணையே தேவை எனவும் மாநாட்டில் வலியுறுத்தவுள்ளதாக ஏற்பாட்டாளர்கள் தெரிவித்தனர்.

வலிந்து காணாமல் ஆக்கப்பட்டோர் விவகாரம் - அனைத்துலக மாநாடு

வலிந்து காணாமல் ஆக்கப்பட்டோர் விவகாரம் - அனைத்துலக மாநாடு

You may also like