நாட்டின் பல மாவட்டங்களில் கடும் மின்னல் தாக்கம் ஏற்படக்கூடும் என வளிமண்டலவியல் திணைக்களம் அம்பர் நிற எச்சரிக்கை அறிவிப்பை வெளியிட்டுள்ளது. இன்று (02) நண்பகல் 12.00 மணிக்கு வெளியிடப்பட்ட இந்த அறிவிப்பு, நாளை (03) பிற்பகல் 1.00 மணி வரை அமுலில் இருக்கும் எனத் தெரிவிக்கப்பட்டுள்ளது. மின்னல் தாக்கத்தினால் ஏற்படக்கூடிய பாதிப்புகளைக் குறைப்பதற்குத் தேவையான முன்னெச்சரிக்கை நடவடிக்கைகளை மேற்கொள்ளுமாறு பொதுமக்களிடம் வளிமண்டலவியல் திணைக்களம் கேட்டுக்கொண்டுள்ளது. இடியுடன் கூடிய மழை பெய்யும்போது திறந்தவெளிகள், மரங்களுக்கு அடியில் மற்றும் நீர்நிலைகளுக்கு அருகில் இருப்பதைத் தவிர்க்குமாறும், மின்சார உபகரணங்களைப் பயன்படுத்துவதில் அவதானமாக இருக்குமாறும் அறிவுறுத்தப்படுகின்றனர். எச்சரிக்கை விடுக்கப்பட்டுள்ள மாவட்டங்கள் மற்றும் பிரதேசங்களாவன, கொழும்பு மாவட்டம்: அவிசாவளை, ஹோமாகம, கடுவெல, கம்பஹா மாவட்டம்: அத்தனகல்ல, பியகம, திவுலப்பிட்டிய, கம்பஹா, மஹர, மினுவாங்கொடை, மீரிகம, காலி மாவட்டம்: நெலுவ, அம்பாறை மாவட்டம்: தெஹியத்தகண்டிய 1, தெஹியத்தகண்டிய 2, லாகுகல. அனுராதபுரம் மாவட்டம்: அனுராதபுரம் புதிய நகரம், கலன்பிந்துனுவெவ, கல்னேவ, ஹொரவப்பொத்தானை, இபலோகம, கஹட்டகஸ்திகிலிய, கெபித்திகொல்லேவ, கெக்கிராவ, மதவாச்சி, மிகிந்தலை, நொச்சியாகம, நுவரகம் பலாத்த கிழக்கு, நுவரகம் பலாத்த மத்தி, பதவிய, பலாகல, பலுகஸ்வெவ, ராஜாங்கனை, ரம்பேவ, தலாவ, திரப்பனே. பதுளை மாவட்டம்: மஹியங்கனை, மட்டக்களப்பு மாவட்டம்: ஏறாவூர்ப்பற்று, கோறளைப்பற்று வடக்கு, கோறளைப்பற்று, ஹம்பாந்தோட்டை மாவட்டம்: அனைத்து பிரதேச செயலாளர் பிரிவுகளும், களுத்துறை மாவட்டம்: அகலவத்தை, புலத்சிங்கள, ஹொரணை. கண்டி மாவட்டம்: அக்குரணை, ஹாரிஸ்பத்துவ, கண்டி, குண்டசாலை, மெததும்பர, மினிப்பே, பன்வில, பாததும்பர, பூஜாப்பிட்டிய, தும்பனே, உடதும்பர, கேகாலை மாவட்டம்: தெஹியோவிட்ட, தெஹியோவிட்ட தெரணியகல, ரம்புக்கனை, ருவன்வெல்ல, வரக்காபொல. குருநாகல் மாவட்டம்: கல்கமுவ, கணேவத்த, கிரிபாவ, இப்பாகமுவ, கட்டுபொத்த, கொபெய்கனே, கொட்டவெஹெர, குளியாப்பிட்டிய கிழக்கு, குருநாகல், மஹவ, மல்லவப்பிட்டிய, மாஸ்பொத்த, மாவத்தகம, நிக்கவெரட்டிய, பண்டுவஸ்நுவர, பொல்கஹவெல, பொல்பித்திகம, ரஸ்நாயக்கபுர, ரிதிகம, வாரியபொல, வீரம்புகெதர. மாத்தளை மாவட்டம்: அனைத்து பிரதேச செயலாளர் பிரிவுகளும், புத்தளம் மாவட்டம்: புத்தளம், ஆனமடுவ, நவகத்தேகம, இரத்தினபுரி மாவட்டம்: அயகம, பலாங்கொடை, எஹலியகொடை, எலபாத்த, எம்பிலிப்பிட்டிய, கொடகவெல, கஹவத்தை, கலவான, கொலொன்ன கோரளை, குருவிட்ட, நிவித்திகல, ஓபநாயக்க, பெல்மதுளை, இரத்தினபுரி, வெலிகெபொல. திருகோணமலை மாவட்டம்: அனைத்து பிரதேச செயலாளர் பிரிவுகளும், வவுனியா மாவட்டம்: நெடுங்கேணி, வவுனியா தெற்கு.

கடும் மின்னல் தாக்கம் குறித்து வெளியான எச்சரிக்கை!

கடும் மின்னல் தாக்கம் குறித்து வெளியான எச்சரிக்கை!

You may also like