சர்வதேச கிரிக்கெட்டில் இருந்து சமீபத்தில் ஓய்வை அறிவித்த இந்திய அணியின் முன்னாள் நட்சத்திர துடுப்பாட்டவீரர் &nbsp;அஜிங்கியா ரஹானே, தற்போது கிரிக்கெட் வர்ணனையாளராக தனது புதிய பயணத்தைத் தொடங்கவுள்ளார். இந்திய கிரிக்கெட் அணி இலங்கையில் சுற்றுப்பயணம் செய்து 2 போட்டிகள் கொண்ட டெஸ்ட் தொடரில் விளையாட உள்ளது. ஒகஸ்ட் 15-ம் திகதி காலி மைதானத்தில் முதல் டெஸ்ட் போட்டியும், ஒகஸ்ட் 28-ம் திகதி இரண்டாவது டெஸ்ட் போட்டியும் நடைபெறுகின்றன. இத்தொடரை நேரலை செய்யும் 'சோனி ஸ்போர்ட்ஸ் நெட்வொர்க்' மற்றும் 'சோனி லிவ்' தளங்களின் வர்ணனை குழுவில் ரஹானே இணைந்துள்ளார். காலேவில் நடைபெறும் முதல் போட்டியிலேயே அவர் வர்ணனை மையத்தில் களமிறங்குகிறார். தனது புதிய பொறுப்பு குறித்து மகிழ்ச்சி தெரிவித்துள்ள 37 வயதான ரஹானே பேசியதாவது: "டெஸ்ட் கிரிக்கெட்தான் விளையாட்டின் மிக உயரிய வடிவம். இந்திய அணிக்காகப் பல ஆண்டுகள் விளையாடிய எனக்கு, தற்போது போட்டியை மற்றொரு புதிய கோணத்தில் அணுகும் வாய்ப்பு கிடைத்துள்ளது. எனது அனுபவங்கள் மற்றும் போட்டியின் நுணுக்கங்களை ரசிகர்களுடன் பகிர்ந்து கொள்ளவும், களத்தில் நடக்கும் நிகழ்வுகளை அவர்களுக்கு எளிதாகப் புரிய வைக்கவும் ஆவலுடன் காத்திருக்கிறேன்." இந்திய டெஸ்ட் அணியின் முக்கிய தூணாக விளங்கிய ரஹானே, 85 டெஸ்ட் போட்டிகளில் விளையாடி 5,077 ரன்களைக் குவித்துள்ளார். குறிப்பாக, வெளிநாட்டு மண்ணில் இந்திய அணி பெற்ற பல வரலாற்று வெற்றிகளுக்கும், 2020-21 காலக்கட்டத்தில் அவுஸ்திரேலிய மண்ணில் பெற்ற தொடர் வெற்றிக்கும் இவரது சிறப்பான துடுப்பாட்டம் மற்றும் தலைமையே மிக முக்கியக் காரணமாக அமைந்தது குறிப்பிடத்தக்கது.

வர்ணனையாளராக புதிய அவதாரம் எடுக்கிறார் ரஹானே

வர்ணனையாளராக புதிய அவதாரம் எடுக்கிறார் ரஹானே

You may also like