இலங்கையில் திண்மக்கழிவு முகாமைத்துவத்தை மேம்படுத்தும் நோக்கில், ‘க்ளீன் ஸ்ரீலங்கா – தூய நகரம்’ தேசிய வேலைத்திட்டத்தின் கீழ் வீட்டுமட்ட கூட்டுப்பசளை தயாரிப்புக் கருத்திட்டத்தை ஆரம்பிப்பதற்கு அமைச்சரவை அங்கீகாரம் வழங்கியுள்ளது. இலங்கையில் நாளாந்தம் உருவாகும் திண்மக்கழிவுகளில் 50 முதல் 60 சதவீதமானவை உக்கக்கூடிய இயற்கைக் கழிவுகளாகக் காணப்படுகின்றன. இக்கழிவுகளை வீடுகளிலேயே கூட்டுப்பசளையாக மாற்றுவதன் மூலம் கழிவுகளைச் சேகரித்தல், போக்குவரத்து, பிரித்தல், மீள்சுழற்சி செய்தல் மற்றும் அகற்றுதல் போன்ற செயற்பாடுகளுக்கான செலவுகளைக் கணிசமாகக் குறைக்க முடியும் என அடையாளம் காணப்பட்டுள்ளது. இதற்கமைய, 2027 முதல் 2029ஆம் ஆண்டு வரையான காலப்பகுதியில் நடைமுறைப்படுத்தத் திட்டமிடப்பட்டுள்ள தேசிய திண்மக்கழிவு முகாமைத்துவத் திட்டத்தின் ஒரு பகுதியாக இக்கருத்திட்டம் முன்னெடுக்கப்படவுள்ளது. இதன் கீழ், தெரிவுசெய்யப்படும் வீதிப் பகுதிகளில் உள்ள வீடுகளுக்கு கூட்டுப்பசளை தயாரிப்புக் கூடைகள் வழங்கப்படவுள்ளதுடன், உக்கக்கூடிய கழிவுகளை வீடுகளிலேயே பசளையாக மாற்றுவதற்கான அறிவு மற்றும் தொழில்நுட்ப வழிகாட்டல்களும் வழங்கப்படவுள்ளன. மேலும், உள்ளூராட்சி மன்றங்களின் கண்காணிப்பின் கீழ் இச்செயற்பாட்டைத் தொடர்ச்சியாக முன்னெடுப்பதற்கும் திட்டமிடப்பட்டுள்ளது. முதற்கட்டமாக மேல் மாகாணம் மற்றும் தென் மாகாணத்தை உள்ளடக்கிய வகையில் இக்கருத்திட்டம் அமுல்படுத்தப்படவுள்ளதுடன், அதன் வெற்றியைப் பொறுத்து ஏனைய மாகாணங்களுக்கும் விரிவுபடுத்தப்படவுள்ளது. ஜனாதிபதி சமர்ப்பித்த இந்த யோசனைக்கு அமைச்சரவை அங்கீகாரம் வழங்கியுள்ளது.

‘க்ளீன் ஸ்ரீலங்கா’ திட்டத்தின் கீழ் கூட்டுப்பசளை தயாரிப்புத் திட்டம்

‘க்ளீன் ஸ்ரீலங்கா’ திட்டத்தின் கீழ் கூட்டுப்பசளை தயாரிப்புத் திட்டம்

You may also like