இந்திய கிரிக்கெட் அணியின் நட்சத்திர வீரரான விராட் கோலி சர்வதேச டெஸ்ட் போட்டிகளில் இருந்து ஒய்வு பெறுவதாக தெரிவித்திருற்தார். இந்நிலையில் விராட் கோலியின் ஓய்வு முடிவை திரும்ப பெற்று மீண்டும் இந்தியாவுக்காக விளையாடி சாதனை படைக்க வேண்டும் என்று முன்னாள் வீரர் மனோஜ் திவாரி கேட்டுக் கொண்டுள்ளார்.&nbsp;இது குறித்து அவர் தெரிவித்துள்ளதாவது, "சில நேரங்களில் நீங்கள் மூளை மழுங்கிய நிலையில் ஏற்படக்கூடிய ஒரு சூழ்நிலையை எதிர்கொள்வீர்கள். அப்போது நீங்கள் ஒரு முடிவை எடுப்பீர்கள். விராட் கோலிக்கும் அது இருந்திருக்கலாம். அவருக்குள் நிறைய கிரிக்கெட் மீதமுள்ளது. விராட் கோலியிடம் இன்னும் நிறைய கிரிக்கெட் இருக்கிறது. அவருக்கு 10,000 ஓட்டங்கள் முக்கியம் இல்லை என்றாலும் நிறைய இளம் வீரர்கள் அந்த சாதனையை செய்வதை கனவாக கொண்டுள்ளனர்.&nbsp;தற்போதைய நிலையில் அவர் தன்னுடைய ஓய்வு முடிவை திரும்பப் பெறுமாறு நான் கேட்டுக்கொள்கிறேன். அது ஏராளமான ரசிகர்கள் முகத்தில் மகிழ்ச்சியை கொண்டு வரும். நான் கூட அதைச் செய்தேன். முதல் தர கிரிக்கெட்டிலிருந்து ஓய்வு அறிவித்து 5 நாட்கள் கழித்து நான் மீண்டும் வந்து ரஞ்சிக்கோப்பை இறுதிப்போட்டியில் விளையாடினேன்" என குறிப்பிட்டுள்ளார்.

விராட்டின் ஓய்வு முடிவை திரும்பப் பெறவும் - முன்னாள் வீரர் கோரிக்கை

விராட்டின் ஓய்வு முடிவை திரும்பப் பெறவும் - முன்னாள் வீரர் கோரிக்கை

You may also like