இந்திய இடதுகை சுழற்பந்து வீச்சாளர் ஆர். சாய் கிஷோர், இங்கிலாந்தின் புகழ்பெற்ற குளோஸ்டர்ஷையர் கௌண்டி&nbsp;கிரிக்கெட் அணியுடன் ஆறு போட்டிகளில் விளையாட உத்தியோகபூர்வமாக ஒப்பந்தம் செய்யப்பட்டுள்ளார். தற்போது நடைபெற்று வரும் கௌண்டி செம்பியன்ஷிப் தொடரின் இறுதிக்கட்டப் போட்டிகளில் அவர் பங்கேற்கின்றார்.&nbsp; எதிர்வரும் மாதம் 20ஆம் திகதி வொர்செஸ்டர்ஷையர் அணிக்கு எதிரான போட்டியில் முதன்முறையாகக் களம் இறங்கும் சாய் கிஷோர், தொடர்ந்து டெர்பிஷையர், மிடில்செக்ஸ், டர்ஹாம், லங்காஷையர் மற்றும் கென்ட் ஆகிய அணிகளுக்கு எதிராகவும் விளையாடவுள்ளார். இந்நிலையில், ஐ.பி.எல் மற்றும் இந்திய அணியில் விளையாடப் போதிய வாய்ப்புகள் கிடைக்காத நிலையில், இங்கிலாந்து உள்ளூர் தொடரில் தனது திறமையை நிரூபிக்க அவர் இந்த முடிவை எடுத்துள்ளார்.&nbsp; சாய் கிஷோரின் வருகை குறித்து மகிழ்ச்சி தெரிவித்துள்ள குளோஸ்டர்ஷையர் அணியின் கிரிக்கெட் இயக்குநர் ஜான் லூயிஸ், இந்த காலகட்டத்தில் இங்கிலாந்து ஆடுகளங்கள் சுழற்பந்து வீச்சுக்குச் சாதகமாக இருக்கும் என்பதால் அவரது பங்களிப்பு அணிக்குக் கூடுதல் பலம் சேர்க்கும் எனக் குறிப்பிட்டுள்ளார். 54 முதல்தரப் போட்டிகளில் 223 விக்கெட்டுக்களும், 28 ஐ.பி.எல் போட்டிகளில் 33 விக்கெட்டுக்களை பெற்றுள்ளார். சர்வதேச அளவில் இந்தியாவிற்காக 3 ரி20 போட்டிகள் மற்றும் 2023 ஆசிய விளையாட்டுப் போட்டியில் தங்கம் வென்ற இந்திய அணியில் இடம் பெற்றிருந்தமைக் குறிப்பிடத்தக்கது.

சாய் கிஷோர் குளோஸ்டர்ஷையர் அணியுடன் ஒப்பந்தம்!

சாய் கிஷோர் குளோஸ்டர்ஷையர் அணியுடன் ஒப்பந்தம்!

You may also like