கஹவத்தைப் பகுதியில் மாணிக்கக் கல் தொழிலதிபர் ஒருவர் காணாமல் போயுள்ளதாக கஹவத்தை பொலிஸார் தெரிவித்துள்ளனர். இவ்வாறு காணாமல் போனவர் குறித்த பகுதியைச் சேர்ந்த 61 வயதான இரண்டு பிள்ளைகளின் தந்தை ஆவார். நேற்று (28) குறித்த தொழிலதிபர் கஹவத்தை - நீலகம வீதியில் மோட்டார் சைக்கிளில் பயணித்துள்ளமை முதற்கட்ட விசாரணையில் தெரிய வந்துள்ளது. பின்னர் குறித்த வீதியின் வளைவொன்றில் அந்த மோட்டார் சைக்கிள் நிறுத்தப்பட்டிருந்ததாக பொலிஸார் தெரிவித்துள்ளனர். அடுத்தகட்ட விசாரணையின்படி, இன்று (29) அருகிலுள்ள தேயிலைத் தோட்டத்தில் காணாமல் போன தொழிலதிபரின் கையடக்கத் தொலைபேசி கண்டுபிடிக்கப்பட்டுள்ளது.&nbsp; எனவே காணாமல் போனவரை தேடும் பணிகளுக்காக பொலிஸ் மோப்ப நாய்கள் பயன்படுத்தப்பட்டுள்ளது. எனினும் இதுவரையில் எத்தகவலும் கிடைக்கவில்லை எனத் தெரிவிக்கப்பட்டுள்ளது. காணாமல் போனவர் இருக்கும் இடம் குறித்து தெரிந்தவர்கள், முன்வந்து தகவல் தெரிவிக்குமாறு பொலிஸார் கேட்டுக்கொண்டுள்ளனர்.

மாணிக்கக் கல் தொழிலதிபர் மாயம்

மாணிக்கக் கல் தொழிலதிபர் மாயம்

You may also like